Judicial custody to Maratha protesters: 33 मराठा आंदोलकांना न्यायालयीन कोठडी; जिल्हा वकील संघांकडून आंदोलकांना पाठिंबा

जालना Judicial custody to Maratha Protesters : जालना जिल्ह्यातील आंतरवली येथे मराठा आंदोलकांना पोलिसांकडून झालेल्या अमानूष मारहाराणीच्या निषेधार्थ जालना शहरातील अंबड चौफुली येथे मराठा समाजाच्या वतीने आंदोलन करण्यात आलं. आंदोलनादरम्यान झालेल्या दगडफेक आणि जाळपोळीनंतर पोलिसांनी अनेकांवर गुन्हे दाखल केले आहेत. त्याचबरोबर अनेक आंदोलकांना डिटेक्ट करून ताब्यात घेतलंय. आज 33 आंदोलकांना पोलिसांनी ताब्यात घेतलं होतं. दुपारनंतर त्यांना जिल्हा व सत्र न्यायालयात हजर केलं असता कोर्टानं त्यांना न्यायालयीन कोठडी सुनावलीय. आता या आंदोलकांना जामीन अर्ज करता येणार (Maratha protesters Jalna) आहे.


मराठा समाजाच्या वतीने आंदोलन : आज कोर्टात हजर केलेल्या मराठा आंदोलकांना न्यायालयीन कोठडी सुनावण्यात आलीयं. आपल्या भावना शासनाच्या विरोधात व्यक्त करत जोरदार घोषणाबाजी करत आंदोलन करण्यात आलं होतं. मात्र यावेळी पोलिसांनी पुन्हा आंदोलन करताना मारहाण करत गंभीर स्वरूपाचे गुन्हे दाखल केले आहे. या गुन्ह्यांना न घाबरता समाजातील तरुणांनी आपलं आंदोलन चालू ठेवावं. ज्या समाज बांधवांवर पोलिसांनी गंभीर स्वरूपाचे गुन्हे दाखल केले आहे, त्या गुन्ह्यांची वकिली जिल्हा वकील संघ लढणार असल्याची माहिती वकील संघाच्यावतीनं आज देण्यात आलीय. तसेच या सर्व समाजाच्या पाठीमागे जालना जिल्हा वकील संघ खंबीरपणे उभा असल्याची माहिती सुद्धा यावेळी वकील संघाच्या तीनं देण्यात आली आहे. (Maratha protesters)

आंदोलकांवर पोलिसांचा लाठीचार्ज : जालना जिल्ह्यातील आंतरवली सराटा गावात आंदोलकांवर पोलिसांनी लाठीचार्ज केला. त्यानंतर आता संपूर्ण राज्यातील वातावरण तापलंय. सर्वत्र या घटनेचा निषेध व्यक्त केला जात आहे. विरोधकांनी सरकारवर हल्ला चढवलाय. गृहमंत्री देवेंद्र फडणवीस यांच्या राजीनाम्याची मागणी देखील या प्रकरणी केली जातेय. जालना पोलीस अधिक्षक तुषार दोषी यांना सक्तीच्या रजेवर पाठवण्यात आलंय. पोलिसांनी लाठीचार्ज केल्याच्या घटनेनंतर राष्ट्रवादीचे अध्यक्ष शरद पवार, उदयनराजे यांनी देखील मराठा आंदोलकांची भेट घेतलीय. या घटनेत आंदोलकांसह पोलीस कर्मचारीही जखमी झालेत.

हेही वाचा :