बीड - शिवसेना पक्षप्रमुख उद्धव ठाकरे हे महाराष्ट्राचे मुख्यमंत्री झाले तर बीडहुन तुळजापूर पर्यंत लोटांगण घालत जाईल, असा नवस केलेला तो शिवसैनिक गुरुवारी तुळजापूर येथे पोहोचला. ओंकार अरुण पवार (वय 22) असे या तरुणाचे नाव आहे. शुक्रवारी सकाळी तो तुळजा भवानीचे दर्शन घेऊन महापूजा करणार आहे.
हेही वाचा - राजकीय नेते आमच्यापेक्षा उत्तम अभिनेते - प्रशांत दामले
येथील ओंकार अरुण पवार या 22 वर्ष वयाच्या शिवसैनिकाने आई तुळजा भवानीला नवस केला होता. जर उद्धव ठाकरे महाराष्ट्राचे मुख्यमंत्री झाले तर मी बीड वरून तुळजापूर पर्यंत आई तुळजाभवानीच्या दर्शनासाठी लोटांगण घालत जाईल. हा नवस त्या बीडचा सच्चा शिवसैनिकाने फेडला आहे. 1 डिसेंबर रोजी तो येथून तुळजापूरकडे लोटांगण घालत निघाला होता. अखेर गुरुवारी सायंकाळी तो तुळजापूरच्या जवळ पोहोचला. शुक्रवारी सकाळी आई तुळजाभवानीचे दर्शन घेऊन महापूजा करणार असल्याचे ओंकार पवार यांनी 'ईटीव्ही भारत' शी बोलताना सांगितले.
