मीरपूर: भारत आणि बांगलादेश यांच्यातील (India vs Bangladesh) दोन कसोटी सामन्यांच्या मालिकेतील दुसरा आणि अंतिम सामना गुरुवारपासून (२२ डिसेंबर) सुरू होणार आहे. (INDIA VS BANGLADESH SECOND TEST) पहिल्या कसोटी सामन्यात 188 धावांनी दणदणीत विजय मिळवल्याने उत्साही, भारतीय क्रिकेट संघ जागतिक कसोटी चॅम्पियनशिप मध्ये आपले स्थान सुधारण्यासाठी बांगलादेशविरुद्ध मोठा विजय नोंदविण्याचा प्रयत्न करेल. या सामन्यात सर्वांच्या नजरा कार्यवाहक कर्णधार केएल राहुलवरही असतील, कारण तो गेल्या काही काळापासून धावा काढण्यासाठी झगडत आहे.
WTC टेबलमध्ये अव्वल दोन स्थान मिळविण्यासाठी शर्यत सुरू आहे. भारत ५५.७७ टक्के गुणांसह दुसऱ्या क्रमांकावर आहे. दक्षिण आफ्रिकेच्या गाबा कसोटीत ऑस्ट्रेलियाकडून झालेल्या दारूण पराभवामुळे भारताला फायदा झाला आहे. दक्षिण आफ्रिकेचे पीसीटी ५४.५५ आहे, तर ऑस्ट्रेलिया ७६.९२ पीसीटीसह अव्वल स्थानावर आहे.
रोहित शर्मा हा सामना खेळणार: नियमित कर्णधार रोहित शर्मा अद्याप अंगठ्याच्या दुखापतीतून पूर्णपणे बरा झालेला नाही. त्यामुळे तो संघाबाहेर आहे. शुभमन गिल आणि कुलदीप यादव या खेळाडूंना पहिल्या कसोटी सामन्यात सुवर्णसंधी मिळाली आणि त्यांनी तिचा पुरेपूर फायदा उठवला. रोहित तंदुरुस्त नाही आणि अशा परिस्थितीत गिलला आणखी एका संधीचा पुरेपूर फायदा घ्यायचा आहे.
राहुलला फॉर्ममध्ये परतण्याची संधी: पहिल्या कसोटीच्या दोन्ही डावात अपयशी ठरल्यानंतर राहुललाही आघाडीकडून नेतृत्व करायला आवडेल. चितगावप्रमाणे येथेही खेळपट्टी संथ असण्याची शक्यता असून, ती फलंदाजांसाठी फायदेशीर ठरेल. अशा स्थितीत ऑस्ट्रेलियाविरुद्धच्या मालिकेपूर्वी फॉर्ममध्ये परतण्याची ही मोठी संधी राहुलकडे आहे.
पुजारा पुन्हा फलंदाजी करू शकतो: इंग्लंडविरुद्ध खेळल्या गेलेल्या एकमेव कसोटी सामन्यातून पुनरागमन करणारा अनुभवी फलंदाज चेतेश्वर पुजाराने पहिल्या कसोटीत 90 आणि नाबाद 102 धावांची खेळी खेळून तिसऱ्या क्रमांकावर आपले स्थान मजबूत केले आहे. पुजाराने दुसऱ्या डावात आक्रमक फलंदाजी करत टीकाकारांना चोख प्रत्युत्तर दिले.
पहिल्या सामन्यात कुलदीप आणि अक्षरची जादू: कुलदीपने शेवटच्या कसोटी सामन्यात चमकदार कामगिरी करत आठ विकेट्स घेतल्या होत्या. त्याने पहिल्या डावात पाच विकेट घेतल्या. दुसऱ्या डावात यादवने आर अश्विन आणि अक्षर पटेल यांच्यापेक्षा कमी गोलंदाजी केली पण तरीही तीन विकेट घेण्यात यश मिळवले. फिरकीला अनुकूल खेळपट्टीवर अश्विनला एकच बळी घेता आला. अक्षरने दुसऱ्या डावात चार बळी घेत आपली उपयुक्तता सिद्ध केली.
बांगलादेशला चुकांमधून शिकण्याची गरज: बांगलादेशने चौथ्या दिवशी ज्या पद्धतीने फलंदाजी केली, त्यातून त्याला प्रेरणा घ्यायला आवडेल. सलामीवीर झाकीर हसनने पहिला कसोटी सामना खेळताना शतक झळकावून आपण या स्तरावर खेळण्यासाठी सज्ज असल्याचे दाखवून दिले. लिटन दास आणि मुशफिकर रहीम या ज्येष्ठ फलंदाजांना त्यांच्या चुकांमधून धडा घेऊन मोठी धावसंख्या उभारायला आवडेल. बांगलादेशचा डावखुरा फिरकी गोलंदाज नसुम अहमदला गुरुवारी कसोटी पदार्पण करण्याची संधी मिळू शकते, तर माजी कर्णधार मोमिनुल हकचाही संघात समावेश होण्याची शक्यता आहे.
भारताचा संघ: केएल राहुल (कर्णधार), शुभमन गिल, चेतेश्वर पुजारा (उपकर्णधार), विराट कोहली, श्रेयस अय्यर, ऋषभ पंत (यष्टीरक्षक), केएस भरत (यष्टीरक्षक), रविचंद्रन अश्विन, अक्षर पटेल, कुलदीप यज्ञवीर, शरयू कुमार, श्रेयस अय्यर, मोहम्मद सिराज, उमेश यादव, अभिमन्यू इसवरन, सौरभ कुमार, जयदेव उनादकट.
बांगलादेशचा संघ: महमुदुल हसन जॉय, नजमुल हुसेन शांतो, मोमिनुल हक, यासिर अली, मुशफिकुर रहीम, शकीब अल हसन (क), लिटन दास, नुरुल हसन, मेहदी हसन मिराज, तैजुल इस्लाम, तस्किन अहमद, खालिद अहमद, झाकीर हसन, रेझर रहमान राजा.
