मुंबई - गानसम्राज्ञी लता मंगेशकर गेली दोन दिवस ब्रीच कँडी रुग्णालयात उपचार घेत आहेत. श्वसनाचा त्रास झाल्यामुळे त्यांना भरती करण्यात आले होते. त्यांच्यावर उपचार सुरू झाल्यामुळे तमाम चाहते काळजीत होते. अनेकांनी त्यांची प्रकृती सुधारावी यासाठी प्रार्थनाही केली होती. आता त्यांच्या प्रकृतीत सुधारणा होत आहे. तसेच त्यांची प्रकृती अजुनही स्थिर असल्याचं सांगण्यात येत आहे.
लता मंगेशकर यांच्या प्रकृतीविषयी कोणत्याही अफवा न पसरवण्याचं आवाहन त्यांच्या पीआर टीमकडून करण्यात आलं आहे.
ब्रीच कँडी रूग्णालयातील वरिष्ठ डॉक्टर फारूख उदवाडिया यांच्या देखरेखीखाली त्यांच्यावर औषधोपचार सुरू आहेत.
लता मंगेशकर यांची प्रकृती लवकरात लवकर बरी व्हावी, याकरता चाहते प्रार्थना करत आहेत.
