मुंबई - बॉलिवूड अभिनेता ईशान खट्टर हा सध्या त्याच्या आगामी 'अ सूटेबल बॉय' या वेबसीरिजमुळे चर्चेत आला आहे. अलिकडेच या वेबसीरिजचा फर्स्ट लूक सोशल मीडियावर पोस्ट करण्यात आला. यामध्ये ईशान खट्टरची रोमॅन्टिक झलक पाहायला मिळणार आहे. विशेष म्हणजे नव्वदच्या दशकातील सुप्रसिद्ध अभिनेत्री आणि त्याच्यापेक्षा तब्बल २४ वर्षांनी मोठ्या असलेल्या तब्बूसोबत तो रोमान्स करताना दिसणार आहे. त्यांचा रोमॅन्टिक लूक या पोस्टरमध्ये पाहायला मिळतो.
'अ सूटेबल बॉय' या सीरिजमध्ये ईशान एका कॉलेजमधील विद्यार्थ्याची भूमिका साकारत आहे. तर, तब्बू ही देहविक्रय करणाऱ्या महिलेची भूमिका साकारताना दिसणार आहे. पाळण्यावर बसून तिच्या सौंदर्याचं निरीक्षण करणारा ईशान या पोस्टरमध्ये पाहायला मिळतो.
- " class="align-text-top noRightClick twitterSection" data="
">
हेही वाचा -थुकरटवाडीत अवतरली 'पानिपत'ची टीम, आशुतोष गोवारीकरांनी केलं अरविंद जगताप यांचं कौतुक
या वेबसीरिजमध्ये ईशान, तब्बू आणि राम कपूरसोबतच रसिका दुग्गल, नमिता दास, दिनेश रिझवी आणि माहिरा कक्कड मुख्य भूमिकेत आहेत. यामध्ये नासिरुद्दीन शाह यांचा मुलगा विवान शाह देखील दिसणार आहे.
- " class="align-text-top noRightClick twitterSection" data="
">
हेही वाचा -सदाशिवराव-पार्वतीबाईंच्या विवाह सोहळ्याची खास झलक, पाहा 'पानिपत'चं नवं गाणं
