मुंबई - कबीर सिंगला मिळत असलेल्या तुफान प्रतिसादामुळे अभिनेता शाहिद कपूर आनंदित झाला आहे. या चित्रपटाच्या प्रदर्शनाची अत्यंत तीव्रतेने तो वाट पाहात होता, असे समजते.
प्रेक्षकांना कबीर सिंग कसा वाटतो हे जाणून घेण्यासाठी शाहिद कपूर उत्सुक होता. सध्या शाहिदला आणखी एका चित्रपटाच्या प्रदर्शनाची प्रतीक्षा आहे.
कारण, आगामी चित्रपटात तो भाऊ इशान खट्टरसोबत पहिल्यांदाच झळकणार आहे. सुत्रांनी दिलेल्या माहितीनुसार शाहिद आगामी चित्रपटात लहान भाऊ इशान खट्टरसोबत काम करणार आहे. याचे दिग्दर्शन राम माधवानी करणार असल्याचे समजते. यात शाहिद एका बाइकरची भूमिका साकारणार आहे. पुढील वर्षी जानेवारीत या चित्रपटाचे शूटींग सुरू होईल.
या चित्रपटासाठी इशानला ऑफर दिली असल्याचे समजते. असे जर घडले तर शाहिद आणि इशानच्या चाहत्यांसाठी मोठ्या पडद्यावर त्यांना एकत्र पाहणे ही पर्वणीच ठरणार आहे.
