मुंबई - आज (२८ मे) वीर सावरकरांची १३९वी जयंती आहे. त्यानिमित्ताने त्यांच्या जीवनावर बनत असलेल्या ‘स्वातंत्र्य वीर सावरकर’ या चित्रपटाचा फर्स्ट लूक शनिवारी प्रदर्शित करण्यात आला. या चित्रपटात अभिनेता रणदीप हुड्डा वीर सावरकरांच्या भूमिकेत दिसणार आहे. पहिल्या लूकमध्ये रणदीपला ओळखणे कठीण होत आहे. महेश मांजरेकर या चित्रपटाचे दिग्दर्शन करत आहेत. निर्माते संदीप सिंग आणि आनंद पंडित या चित्रपटाची निर्मिती करत आहेत.
या चित्रपटाचे शूटिंग या वर्षी ऑगस्टमध्ये सुरू होणार आहे. चित्रपट समीक्षक तरण आदर्श यांनी ही माहिती दिली आहे. या चित्रपटाच्या स्क्रिप्टचे काम पूर्ण झाले आहे. त्याचबरोबर या भूमिकेत येण्यासाठी रणदीप हुडा दिवसरात्र मेहनत करत आहे.
- " class="align-text-top noRightClick twitterSection" data="
">
स्वातंत्र्य चळवळीत सहभागी असलेल्या विनायक दामोदर सावरकरांची भूमिका साकारताना रणदीप खूश आहे. मीडिया रिपोर्ट्सनुसार, या भूमिकेसाठी अभिनेत्याने वजन कमी करण्यास सुरुवात केली आहे.
सरबजीत चित्रपटात रणदीपने साकारली होती भूमिका - याआधी रणदीप हुडाने सरबजीत या चित्रपटातून चाहत्यांची मने जिंकली होती. एका मुलाखतीत रणदीप हुड्डा यांनी खुलासा केला होता की, तो या विषयावर अनेक वर्षांपासून चित्रपट बनवण्याचा विचार करत होता. चित्रपटाचे दिग्दर्शक महेश मांजरेकर हे मराठी असून त्यांच्याकडे सावरकरांचा बायोपिक साकारण्यासाठी त्यांनी अभ्यास केला आहे.
रणदीपचा सावरकर लूक - अॅश्ले रेबेलोने 'स्वातंत्र वीर सावरकर'च्या फर्स्ट लूकचा पोशाख तयार केला आहे. अभिनेत्याचा वीर सावरकर लूक मेकअप आर्टिस्ट रेणुका पिल्लई यांनी बनवला आहे. त्याचवेळी रणदीप मराठी भाषेसाठीही तयारी करत आहे.
हेही वाचा - Cannes 2022: त्याला पाहताच उर्वशी रौतेला लाजून झाली चूर
