ETV Bharat / entertainment

डंकी ड्रॉप 4 एक्स रिव्ह्यू : शाहरुख आणि हिराणीचा जयजयकार, किंग खानच्या हॅट्रीकची फॅन्सना खात्री

author img

By ETV Bharat Marathi Team

Published : Dec 5, 2023, 2:48 PM IST

Dunki trailer X reactions: 'डंकी' या बहुप्रतिक्षित चित्रपटाच्या ट्रेलरचे मंगळवारी लॉन्चिंग करण्यात आले. शाहरुख आणि राजकुमार हिराणी यांच्या चित्रपटाचे नेटिझन्सनी कौतुक केले आहे. शाहरुखच्या चाहत्यांनी हा चित्रपट त्याच्या मागील रिलीज झालेल्या 'पठाण' आणि 'जवान' प्रमाणेच सुपरहिट असल्याचं घोषित केलंय.

Dunki trailer X reactions
डंकी ड्रॉप 4 एक्स रिव्ह्यू

मुंबई - Dunki trailer X reactions: गेल्या वर्षी शाहरुख खान आणि दिग्दर्शक राजकुमार हिराणी यांनी त्यांचा पहिला एकत्रीत 'डंकी' या चित्रपटाची घोषणा केली होती. दोघांचेही चित्रपट आवडणारा मोठा प्रेक्षक वर्ग आहे. घोषणा झाल्यापासून चित्रपटाबद्दलच्या प्रत्येक अपडेट्सची दखल चाहत्यांनी घेतली आहे. अशा या बहुप्रतीक्षित चित्रपटाचा ट्रेलर अखेर मंगळवारी रिलीज झाला. सुरुवातीला टीझर, 'लुट पुट गया' गाणे आणि 'निकले थे कभी हम घर से' या गाण्याच्या व्हिडीओनंतर 'डंकी' ड्रॉप 4 हा चित्रपटाचा ट्रेलर लॉन्च करण्यात आला. ट्रेलरनंतर एक्सवर भरपूर प्रतिक्रिया उमटल्या आहेत.

'डंकी' ड्रॉप 4 मध्ये चित्रपटाच्या कथानकाचे पूर्वावलोकन देण्यात आले आहे. या चित्रपटाच्या निमित्तानं शाहरुख खान आणि राजकुमार हिराणी हे 'संजू', 'पीके', '3 इडियट्स' आणि 'मुन्ना भाई' मालिका यांसारख्या हिट चित्रपटांचे दिग्दर्शक पहिल्यांदाच एकत्र आले आहेत. त्यामुळे चर्चा तर होणारच. त्यामुळे नेटिझन्सनं या ट्रेलरचं स्वागत केलंय. एका चाहत्यानं लिहिलंय, "राजकुमार हिराणी कधीही निराश करत नाही. जेव्हा कंटेटचा किंग बॉलिवूड किंगला भेटतो."

दुसर्‍याने लिहिले: "मला नेहमीच आंधळा विश्वास होता की राजकुमार हिराणी जेव्हाही शाहरुख खानचा चित्रपट करतील तेव्हा तो सर्वोत्कृष्ट असेल. 'डंकी' ट्रेलरनं याला दुजोरा दिला आहे." एका युजरनं लिहिलंय की, "योगायोग पाहा, डंकी आणि पठाणच्या शेवटच्या वाक्यात 'जय हिंद' हा शब्द आहे. तू चुकीच्या माणसाशी पंगा घेतलायंस."

शाहरुख खानच्या इतर चाहत्यांनी प्रभासच्या चाहत्यांना सावध केले कारण 'डंकी' आणि 'सालार' या डिसेंबरमध्ये बॉक्स ऑफिसवर टक्कर देणार आहेत. एक्सवर एका यूजरनं लिहिले की, 'डंकी' च्या विरोधात सालार रिलीज करणे ही प्रभासची सर्वात मोठी चूक ठरेल. दुसरीकडे, प्रभासच्या चाहत्यांनी ''डंकी' हा राजकुमार हिराणीचा सरासरी चित्रपट असल्याचे म्हटले. सोशल मीडियावर शब्दयुद्ध सुरू असल्यानं चित्रपट पाहणाऱ्यामध्ये 21 डिसेंबरची प्रतीक्षा सुरू झाली आहे.

''डंकी' बद्दल बोलायचे तर शाहरुख खान व्यतिरिक्त चित्रपटातील इतर कलाकारांमध्ये अनिल ग्रोव्हर, विकी कौशल, तापसी पन्नू, बोमन इराणी आणि विक्रम कोचर यांचा समावेश आहे. हिराणी आणि अभिजात जोशी यांच्यासह लेखिका कनिका धिल्लन यांनी याची कथा लिहिली आहे. 'डंकी' हा चित्रपटा जिओ स्टुडिओ, रेड चिलीज एंटरटेनमेंट आणि राजकुमार हिरानी फिल्म्सची निर्मिती आहे.

हेही वाचा -

  1. अजय देवगण आणि तब्बू यांच्या 'औरों में कहाँ दम था' चित्रपटाची रिलीज डेट जाहीर
  2. 'अ‍ॅनिमल' आणि 'सॅम बहादुर' चित्रपट बॉक्स ऑफिसवर रिलीजच्या पाचव्या दिवशी करणार 'इतकी' कमाई
  3. 'कॉफी विथ करण'मध्ये शाहरुख खान नं येण्याचं करणने सांगितले कारण

TAGGED:

dunki trailerdunki drop 4shah rukh khanDunki trailer X reactionsDunki trailer twitter reactionsrajkumar hirani

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

विश्लेषणात्मक वार्तांकन

'रामोजी ग्रुपचं विजयपथावरील मार्गक्रमण निरंतर सुरूच राहील': इच्छापत्रातून कर्मचाऱ्यांना रामोजी राव यांची भावनिक साद, सोपवली जबाबदारी - Ramoji Rao letter

राज्यात महाविकास आघाडीमुळं महायुतीचं टेन्शन वाढलं; तुमच्या मतदारसंघाचा खासदार कोण? वाचा संपूर्ण लिस्ट - maharashtra lok sabha 2024 winner list

लोकसभा निवडणुकीनंतर 'वक्फ' मंडळाचं बळकटीकरण, 10 कोटींच्या निधीची तरतूद - Waqf Board Fund

EXCLUSIVE : "...तर उद्धव ठाकरेंनी शरद पवारांनाही धोका दिला असता"; 'ईटीव्ही भारत'च्या मुलाखतीत मुख्यमंत्र्यांचा गंभीर आरोप - CM Eknath Shinde Interview

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.