झोया अख्तरनं 'द आर्चीज' चित्रपटामध्ये कलाकारांना किती दिलं मानधन, वाचा स्टारकिड्सची कमाई

author img

By ETV Bharat Marathi Desk

Published : Jan 20, 2024, 3:28 PM IST

The archies

The archies :'द आर्चीज' चित्रपटाच्या मानधनावर झोया अख्तरनं एका मुलाखतीत चर्चा केली आहे. याशिवाय चित्रपटाच्या कास्टिंग प्रक्रियेबद्दल देखील तिनं काही गोष्टींचा खुलासा केला आहेत.

मुंबई - The archies : 'द आर्चीज' हा चित्रपट अलीकडेच नेटफ्लिक्सवरह प्रदर्शित झाला. या चित्रपटातून शाहरुख खानची मुलगी सुहाना खान, बोनी कपूर आणि श्रीदेवी यांची मुलगी खुशी कपूर आणि अमिताभ बच्चन यांचा नातू अगस्त्य नंदा, डॉट, वेदांग रैना आणि युवराज मेंडा यांनी हिंदी चित्रपटसृष्टीत पदार्पण केलं. 'द आर्चीज' चित्रपटाचं दिग्दर्शन झोया अख्तरनं केलंय. झोयानं एका संवादादरम्यान या चित्रपटाच्या कास्टिंग प्रक्रियेबद्दल आणि नवोदितांना दिलेल्या मानधनावर चर्चा केली आहे. झोयानं यावेळी सांगितलं की, चित्रपटातील प्रत्येक कलाकारांना अनेक ऑडिशन्सचा सामना करावा लागला असल्याचा तिनं उघड केलं.

झोया अख्तरची मुलाखत : एका मुलाखतीत झोयाला विचारलं की, 'तुम्ही या चित्रपटासाठी मुलांना किती पैसे दिले. तेव्हा तिनं सांगितलं, "मी तुम्हाला ते आकडे सांगू शकत नाही." यानंतर तिथे उपस्थित असलेल्या निर्मात्या रीमा कागती या म्हणाल्या की, ''हे सर्व कलाकार एकाच श्रेणीतील आहेत.'' यानंतर झोयानं सांगितलं की, ''सातही कलाकारांना आम्ही समान मानधन दिलं आहे.'' 'द आर्चीज'मधील झोयाच्या कास्टिंग निवडीमुळे पुन्हा एकदा नेपोटिझम वाद निर्माण झाला होता. स्टार किड्सवर निर्मित असलेला हा चित्रपट अनेकांना आवडला आहे. हा चित्रपट रिलीजपूर्वी खूप चर्चेत होता. 'द आर्चीज' हा म्यूझिकल चित्रपट नेटफ्लिक्सवर 7 डिसेंबर रोजी प्रदर्शित झाला होता.

'द आर्चीज' चित्रपटाबद्दल : 'द आर्चीज' वेट्टी वेरोनिका, जुगहेड, रेगी, एथेल आणि डिल्टन यांच्या आयुष्यातील एक काव्यमय कहाणी असलेला चित्रपट आहे. हा संगीतमय चित्रपट जागतिक स्तरावर लोकप्रिय असलेल्या आर्ची कॉमिक्सवर आधारित आहे. 'द आर्चीज' चित्रपट 1960 च्या दशकामधील तरुणाईचा आहे. दरम्यान 'द आर्चिज' या चित्रपटाचं स्पेशल स्क्रिनिंग हे खूप भव्य झालं होतं. या कार्यक्रमात शिल्पा शेट्टी, शाहरुख खान, गौरी खान, रणबीर कपूर, श्वेता नंदा, नव्या नवेली, अमिताभ बच्चन, जया बच्चन मलायका अरोरा, करण जोहर, शनाया कपूर, बॉबी देओल, रिया कपूर अनन्या पांडे, कतरिना कैफ, इसाबेल कैफ यांच्यासह अनेक कलारांनी हजेरी लावली होती.

हेही वाचा :

  1. सुहाना खानने पार पाडले बहिणीचं कर्तव्य! छोट्या भावासाठी बनली चीअरलीडर
  2. 'फायटर'च्या ट्रेलरवर पाकिस्तानी सेलिब्रिटींची टीका, सिद्धार्थ आनंदने दिले प्रत्युत्तर
  3. अयोध्येतील प्राणप्रतिष्ठा सोहळ्यापूर्वी जॅकी श्रॉफने साफ केले मुंबईतील सर्वात जुने राम मंदिर
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.