मुंबई - सायन अँटॉप हिल परिसरात 22 मोटारसायकल व 2 चारचाकी व्हॅन जाळण्याच्या प्रकारानंतर मुंबई पोलिसांनी अँटॉप हिल भागातील 2 गुंडांना अटक केली आहे. फैयाज उर्फ फैज अजीमुल्ला कादरी(वय 23) व अक्षय कांबळे अशी आरोपींची नावे असून, पोलीस पुढील तपास करत आहेत.
सायन अँटॉप हिल परिसरात 22 मोटारसायकल व 2 चारचाकी व्हॅन जाळण्याच्या प्रकारानंतर मुंबई पोलिसांनी अँटॉप हिल भागातील 2 गुंडांना अटक केली आहे.
अँटॉप हिल परिसरात दहशत पसरविण्यासाठी या दोघांनी 8 ऑगस्टच्या पहाटे 3 वाजता विजय नगर परिसरतील गणेश मैदान भागात पार्क केलेल्या 2 लाख 26 हजार किंमतीच्या 22 दुचाकी व 2 चारचाकी वाहनांना आग लावली होती.
वडाळा टिटी पोलीस ठाण्याच्या हद्दीत हा प्रकार घडला असून, अटक केलेल्या दोन्ही आरोपींवर या आधी गुन्हे दाखल आहेत.
