औरंगाबाद - घाटी रुग्णालयात निवासी डॉक्टरांनी संप पुकारला आहे. मध्यरात्री अज्ञात रुग्णाच्या नातेवाईकांनी मारहाण केल्याने संप पुकारण्यात आला असून तीनशेहून अधिक निवासी डॉक्टर संपात सहभागी झाले आहेत. त्यामुळे आरोग्य व्यवस्था कोलमडण्याची भीती निर्माण झाली आहे.
अपघातग्रस्त रुग्णाच्या नातेवाईकांनी केली मारहाण - घाटी रुग्णालयात मध्यरात्री अडीच वाजता अपघातग्रस्त रुग्ण उपचारासाठी दाखल झाला. या रुग्णाचे सिटी स्कॅन केल्यावर रुग्णाला दाखल करून उपचार सुरू करण्यात आले होते. रुग्णाने उलटी केल्याने त्यांच्या अन्न नलिकेत डॉक्टरांनी उपचारासाठी नळी टाकली. त्याचवेळी घाटी रुग्णालयात दाखल झालेल्या रुग्णाच्या नातेवाईकांनी उपचार योग्य नसल्याचा आरोप करत डॉक्टरांना मारहाण केली. आणि रुग्णाला घेऊन निघून गेले आहे.
घाटी रुग्णालयात संप - घाटी रुग्णालयात डॉक्टरांच्या सुरक्षेवरून अनेक वेळा प्रश्न उभे केले गेले आहेत. सुरक्षा व्यवस्था चांगली नसल्याने डॉक्टरांनी याबाबत वरिष्ठांना तक्रार केली. मात्र, सुरक्षा मिळत नसल्याने वारंवार अशा घटना होत असल्याचे सांगितले जात आहे. या घटनेनंतर निवासी डॉक्टरांनी संप पुकारण्याचा निर्णय घेतला आहे. सकाळ पासून संप सुरू केला असून तातडीचे उपचार मात्र सुरू राहतील अस डॉक्टरांनी सांगितलं आहे.
हेही वाचा - MLA Praniti Shinde : राज्यातील जनतेचं 'नॉट ओके'; शहाजीबापू पाटील यांच्यावर नाव न घेता, प्रणिती शिंदेंची टीका
हेही वाचा - उदय सामंत यांच्या गाडीवर हल्ल्याप्रकरणी शिवसेना शहरप्रमुखासह पाच जणांना अटक, मुंबईमधून बबन थोरातांना अटक
