नवी दिल्ली - अर्थव्यवस्थेसाठी दिलासाजनक बातमी आहे. टाळेबंदी खुली झाल्यानंतर वाढणाऱ्या जीएसटीच्या (वस्तू व सेवा) करसंकलनात फेब्रुवारीमध्ये सातत्य कायम राहिले आहे. फेब्रुवारीत १ लाख १३ हजार १४३ कोटी रुपयांचे जीएसटी संकलन झाले आहे. हे प्रमाण गतवर्षीच्या फेब्रुवारीच्या तुलनेत ७ टक्क्यांहून अधिक आहे.
सलग पाचव्या महिन्यात देशातील जीएसटीचे संकलन हे १ लाख कोटी रुपयांहून अधिक आहे. तर चालू आर्थिक वर्षात फेब्रुवारीमध्ये तिसऱ्यांदा जीएसटीचे संकलन हे १.१ लाख कोटी रुपयांहून अधिक झाले आहे.
हेही वाचा-घराचे स्वप्न साकारणे सुलभ; स्टेट बँकेकडून व्याजदरात कपात
असे आहे करसंकलनाचे प्रमाण
- केंद्रीय जीएसटी- २१,०९२ कोटी
- राज्य जीएसटी - २७,२७३ कोटी
- एकत्रित (आयजीएसटी) जीएसटी- ५५,२५३ कोटी (२४,३८२ कोटींच्या आयात शुल्काचा समावेश)
- उपकर- ९,५२५ कोटी (६६० कोटींच्या आयात शुल्काचा समावेश)
हेही वाचा- खूषखबर! कोरोनाविरोधातील लस खासगी रुग्णालयात मिळणार फक्त २५० रुपयांत!
फेब्रुवारीत २८ दिवसांचा महिना असतानाही जीएसटीचे संकलन वाढल्याने अर्थव्यवस्था पुन्हा रुळावर येत असल्याचे मानण्यात येत आहे.
