मुंबई : युक्रेन आणि रशियामधील वाढत्या लष्करी तणावामुळे ( Military tensions between Ukraine and Russia ) जागतिक बाजारातील घबराटीचा परिणाम देशांतर्गत शेअर बाजारांवरही ( Stock Market Updates ) झाला आणि दोन्ही प्रमुख निर्देशांक मंगळवारी मोठ्या घसरणीसह उघडले. बीएसई मानक निर्देशांक सुरुवातीच्या सत्रात 1,015 अंकांनी घसरून 56,668.60 अंकांवर व्यवहार करत होता. त्याचप्रमाणे एनएसई ( National Stock Exchange ) चा निफ्टी देखील 285.40 अंकांच्या घसरणीसह 16,921.25 वर व्यवहार करत होता. सेन्सेक्सच्या ३० शेअर्सच्या निर्देशांकात समाविष्ट असलेले सर्व शेअर्स नकारात्मक पातळीवर व्यवहार करत होते. या सर्व कंपन्यांच्या शेअर्समध्ये मोठी घसरण झाली.
जिओजित फायनान्शियल सर्व्हिसेसचे ( Geojit Financial Services ) मुख्य गुंतवणूक धोरणकार व्ही. के. विजयकुमार म्हणाले, युक्रेनच्या रशियासोबतच्या तणावामुळे पूर्व युरोपातील संकट अधिक गडद होण्याची भीती निर्माण झाली आहे. त्याचा परिणाम जागतिक बाजारावर दिसून आला. कच्च्या तेल आणि सोन्याच्या किमतीवर त्याचा परिणाम आधीच दिसून येत आहे. ते म्हणाले की कच्च्या तेलाच्या प्रति बॅरल $97 च्या पातळीवर व्यापार करणे भारतासाठी खूप आव्हानात्मक आहे. तेल आयात बिलात वाढ झाल्यामुळे निर्माण होणाऱ्या दबावात रिझर्व्ह बँकेला आपली आर्थिक भूमिका बदलण्यास भाग पडू शकते.
याव्यतिरिक्त देशांतर्गत बाजारात विदेशी संस्थागत गुंतवणूकदारांच्या ( Foreign institutional investors ) सततच्या विक्रीचा व्यवसायाच्या भावनेवरही परिणाम होत आहे. शेयर बाजारातून उपलब्ध झालेल्या आकडेवारीनुसार, सोमवारी परदेशी गुंतवणूकदारांनी 2,261.90 कोटी रुपयांचे शेअर्स विकले ( Foreign investors sold shares ). सोमवारी अमेरिकेतील वॉल स्ट्रीटच्या ट्रेंडचे ( Wall Street Trends in America ) अनुसरण आशियातील इतर बाजारांनी केले. त्याचप्रमाणे युक्रेनच्या संकटामुळे युरोपीय बाजारांमध्ये मोठ्या प्रमाणात विक्री दिसून आली.
