Weekly Horoscope : कसा असेल तुमचा येणारा आठवडा, जाणून घ्या साप्ताहिक राशीभविष्य

कसा असेल तुमचा आठवडा, अभ्यास, प्रेम, लग्न, व्यवसाय यासंदर्भातील ग्रहांची स्थिती कशी असेल, वैवाहिक जीवनात त्रासातून आराम मिळेल का, मुलांना अभ्यास करावा वाटत नाही, काय करावे, येत्या काळात परदेशात जाण्याची संधी मिळेल का, जोडीदाराबरोबर वेळ कसा घालवावा, अशा सर्व प्रश्नांची उत्तरे जाणून घेण्यासाठी, ईटीव्ही भारतवर वाचा, साप्ताहिक राशीभविष्य.

• मेष : ह्या आठवड्यात आपण एखादा छोटासा प्रवास करण्याचा प्रयत्न कराल, जो आपल्यासाठी नवीन तजेला निर्माण करू शकेल. त्यामुळे आपणास सकारात्मक ऊर्जा प्राप्त होईल. व्यापारात उत्तम यश प्राप्ती संभवते. नोकरी करणाऱ्या व्यक्ती आपल्या कामात खूप कष्ट करतील. आपले कष्ट वरिष्ठांच्या नजरेस सुद्धा पडतील. वैवाहिक जीवन सुखद होईल. प्रेमीजन आपल्या बोलघेवडेपणामुळे काही चुकीचे वक्तव्य करतील की ज्यामुळे ते अडचणीत येतील. असे झाल्याने त्यांच्या प्रेमिकेशी असलेल्या संबंधात दुरावा निर्माण होऊ शकतो. तिची समजूत काढण्यासाठी त्यांना खूप प्रयत्न करावे लागतील. हि कृती त्यांना शक्य तितक्या लवकर करावी लागेल, अन्यथा त्यांचे नाते कायमचे संपुष्टात सुद्धा येऊ शकते. हा आठवडा विद्यार्थ्यांसाठी उत्तम आहे. त्यांचे अभ्यासातील लक्ष सुद्धा वाढेल व त्यामुळे अभ्यास सुद्धा चांगला होईल. आठवड्याची सुरूवात प्रवासास अनुकूल आहे. आपणास आपल्या प्रकृतीची थोडी काळजी घ्यावी लागेल.

• वृषभ : हा आठवडा आपल्यासाठी चांगला असला तरी कौटुंबिक जीवनातील तणाव वाढतील. आपसात वाद संभवतात. आपल्या मातेची प्रकृती बिघडू शकते. वडिलांशी मतभेद संभवतात. आपल्या एखाद्या मित्रास सांगितलेली एखादी व्यक्तिगत गोष्ट आपल्यासाठी डोकेदुखी ठरू शकते. नोकरी करणाऱ्या व्यक्तींसाठी आठवडा तणावाचा आहे. काही उलट सुलट बोलल्याने एखाद्याशी आपले भांडण होऊ शकते. व्यापारासाठी आठवडा चांगला आहे. व्यापाऱ्यांना परदेशाशी केलेल्या व्यापारातून लाभ होईल. व्यक्तिगत संबंधांच्या बाबतीत विचार करता असे दिसून येते की वैवाहिक जीवनासाठी आठवडा चांगला असला तरी आपणास खूपच विचारपूर्वक बोलावे लागेल. विवाहित व्यक्ती संततीसाठी प्रयत्न करू शकतात. प्रणयी जीवनासाठी आठवडा अनुकूल असून आपणास तो फायदेशीर ठरेल. हा संपूर्ण आठवडा प्रवासास अनुकूल आहे. आठवड्याचे अखेरचे दोन दिवस वगळता इतर सर्व दिवस विद्यार्थ्यांसाठी चढ - उतारांचे आहेत. त्यांना अभ्यासात अडचणी येतील. आपल्या आरोग्याची काळजी घ्यावी.

• मिथुन : हा आठवडा आपल्यासाठी उत्तमच आहे. आपणास एखादा मोठा आर्थिक लाभ होऊ शकतो. कुटुंबीय सुद्धा आपणास पैसे देतील. कदाचित ते आपणास आर्थिक मदतीच्या स्वरूपात असतील किंवा बक्षिसाच्या स्वरूपात. वडिलांचे सहकार्य मिळेल. भाग्य प्रबळ राहील. कामात यश प्राप्ती होईल. नोकरीत काही नवीन कामे आपल्या हाती येतील कि ज्यामुळे आपले पद व प्रतिष्ठा उंचावण्यास मदत होऊ शकेल. व्यापाऱ्यांना व्यापारवृद्धी करण्यासाठी आठवडा अनुकूल आहे. प्रयत्नशील राहा. विवाहित व्यक्तींना आपल्या वैवाहिक जीवनात काही नवीन गोष्टी समजतील. ते आपल्या जोडीदारासह फिरावयास जाण्याची एखादी योजना आखतील. हा एखादा चांगल्या व सुखावह स्थळाचा प्रवास असू शकतो. प्रणयी जीवनासाठी आठवडा चांगला आहे. आपण आपल्या प्रयत्नांना गती देऊन आपल्या प्रेमिकेस विवाह बंधनात अडकण्यासाठी समजावण्याचा प्रयत्न केल्यास त्यात यशस्वी सुद्धा होऊ शकाल. विद्यार्थ्यांना अभ्यासासाठी भरपूर वेळ मिळेल. हा संपूर्ण आठवडा प्रवासास अनुकूल आहे.

• कर्क : हा आठवडा आपल्यासाठी चांगला आहे. आपण आपल्या कामात मग्न राहाल. आठवड्याच्या सुरूवातीस काही चिंता किंवा खर्च दोन्ही झाले तरी ही आठवड्याच्या मध्या पर्यंत ते कमी होऊ लागतील. आपणास आपल्या आत्मविश्वासाचा अतिरेक मात्र टाळावा लागेल. खर्चात वाढ झाली तरी प्राप्ती सुद्धा भरपूर होणार असल्याने आपल्या समस्या कमी होतील. त्यामुळे आपण खुश असल्याचे दिसू शकते. नोकरीच्या ठिकाणी काही नवीन प्रयोग करण्याची ही वेळ आहे. काही नवीन प्रकल्प आपल्या हाती येतील, जे वेळेवर पूर्ण करण्याचे आव्हान आपल्या समोर असेल. व्यापारासाठी आठवडा काहीसा प्रतिकूल आहे. कोणाशी वाद होणार नाहीत याची काळजी घ्यावी. आपल्या व्याप्तीतून बाहेर पडण्याचा प्रयत्न करू नये. ह्या आठवड्यात वैवाहिक जीवनात तणावासह प्रेम सुद्धा राहील. आपणास आपल्या जोडीदाराशी उत्तम समन्वय साधण्याचा प्रयत्न करावा लागेल. प्रणयी जीवनासाठी आठवडा अनुकूल आहे. नात्यातील प्रेम वृद्धिंगत होईल. विद्यार्थ्यांना योग्य दिशेने मेहनत करण्याची गरज भासेल. आठवड्याचे मधले दिवस प्रवासास अनुकूल आहेत.

• सिंह : आपणास तंदुरुस्त राहण्यासाठी काही नवीन प्रयोग करावे लागतील. उदाहरणार्थ नवीन आहारशैली प्रमाणे आहार करणे, एखाद्या ठिकाणी फिरावयास जाणे, थोडा व्यायाम करणे इत्यादी. असे केल्याने सुद्धा आपणास फायदा होईल. आपल्या क्रोधावर नियंत्रण ठेवा. कोणाशीही उलट सुलट बोलू नका. विशेषतः आपल्या वैवाहिक जोडीदाराशी उलट सुलट बोलल्यास दांपत्य जीवनातील तणाव वाढण्याची संभावना आहे. प्रणयी जीवनासाठी आठवडा अनुकूल आहे. आपण आपल्या सृजनशील विचारांमुळे आपल्या नात्यातील प्रत्येकास खुश ठेवण्यात मागे राहणार नाहीत. तसेच ते सुद्धा आपणास खुश ठेवण्याचा प्रयत्न करतील. नोकरीत धावपळ होईल. आपणास बाहेरगावी जाण्याची संधी सुद्धा मिळू शकते. अशी संधी हातून जाऊ देऊ नका. काही खर्च वाढतील, परंतु प्राप्ती सुद्धा चांगली होईल. आपणास व्यापारात काही नवीन सौदे करावे लागतील. काही प्रलंबित योजनांवर काम करण्याची संधी मिळू शकते. आठवड्याचे सुरवातीचे दोन दिवस प्रवासास अनुकूल आहेत. विद्यार्थ्यांसाठी हा आठवडा काहीसा प्रतिकूल आहे.

• कन्या : हा आठवडा आपणास आपल्या कार्यक्षेत्रावर लक्ष केंद्रित करण्यास मदत करेल. आपण आपली प्राप्ती व खर्च ह्यांच्यात समतोल साधण्याचा प्रयत्न कराल. आपण प्रयत्न करून आपले खर्च नियंत्रित कराल. हा आठवडा आरोग्याच्या दृष्टीने काहीसा प्रतिकूल असल्याने आपल्या आहारात सुधारणा करावी. तसेच थोडा व्यायाम सुद्धा करावा. असे केल्याने आपले शरीर तंदुरुस्त राहू शकेल. नोकरी करणाऱ्यांसाठी हा आठवडा चांगला आहे. ह्या आधी आपण जी धावपळ केली होती त्याचे फळ मिळण्याची वेळ आता आली आहे. आपली पदोन्नती होण्याची दाट संभावना आहे. त्यासाठी आपणास आपले वरिष्ठच मदत करू शकतील. व्यापाऱ्यांच्या काही योजना कि ज्यांच्या कडून त्यांनी खूप अपेक्षा बाळगल्या होत्या त्यात खोळंबा होण्याची संभावना असल्याने त्यांना आपली मेहनत वाढवावी लागेल. विवाहित व्यक्ती आपल्या वैवाहिक जीवनातील समस्यांतून बाहेर पडण्यासाठी ईश्वर शरणी जाऊ शकतात. एखाद्या मंदिरात जाऊन थोडा वेळ घालविल्यास मानसिक शांतता लाभेल. प्रणयी जीवनासाठी आठवडा सामान्यच आहे. आठवड्याचा पहिला व अखेरचा दिवस प्रवासास अनुकूल आहे. विद्यार्थी एकाहून अधिक विषयांचा लक्षपूर्वक अभ्यास करतील, व त्याचा त्यांना चांगला फायदा सुद्धा होईल.

• तूळ : हा आठवडा आपणास अनुकूल आहे. आठवड्याच्या सुरवातीस आपण एखादा दूरवरच्या प्रवासास जाऊ शकाल. नोकरीत आपली स्थिती मजबूत राहिली तरी आपल्या सहकाऱ्यांशी नीट वागावे. आपल्या वरिष्ठांशी समन्वय उत्तम असेल. वाद टाळण्याचा प्रयत्न करावा. किरकोळ खर्च झाले तरी प्राप्ती चांगली झाल्याने काहीच त्रास होणार नाही. हा आठवडा व्यापारासाठी अनुकूल आहे. विवाहित व्यक्ती आपल्या वैवाहिक जीवनाचा आनंद उपभोगू शकतील. ते जोडीदारासह दूरवरच्या प्रवासास जाऊ शकतील. प्रणयी जीवनासाठी आठवडा प्रतिकूल आहे. अशा काही गोष्टी आहेत कि ज्या आपली प्रेमिका आपणास सांगू शकत नसेल, म्हणून आपणास तिच्याशी बोलावे लागेल. विद्यार्थ्यांना आपल्या कौशल्यावर भर द्यावा लागेल. त्यासाठी काही ऑनलाईन अभ्यासक्रम सुद्धा त्यांना मदत करू शकतील. आठवड्याचे सुरवातीचे दिवस प्रवासास अनुकूल आहेत.

• वृश्चिक : हा आठवडा आपल्यासाठी चढ - उतारांचा आहे. आठवड्याची सुरवात विशेष अनुकूल नसल्याने ह्या दरम्यान कोणताही महत्वाचा निर्णय घेऊ नये. घेतल्यास तो आपल्या विरुद्ध जाऊ शकतो. आठवड्याच्या सुरवातीस धनहानी संभवते. खर्चात सुद्धा वाढ होईल. त्यामुळे आपणास आपली प्राप्ती कमी असल्याची जाणीव होईल. नोकरी करणाऱ्यांसाठी हा आठवडा काहीतरी करून दाखविण्याचा आहे. व्यर्थ बडबड करण्या ऐवजी काम करून दाखवावे, की ज्यामुळे आपणास चांगले फळ मिळू शकेल. व्यापाऱ्यांना कामानिमित्त भरपूर प्रवास करावे लागतील. हे प्रवास एखादा प्रलंबित सौदा पूर्णत्वास नेऊ शकतील. त्यामुळे आपणास फायदा होऊ शकतो. विवाहितांचे वैवाहिक जीवन सुखद होईल. आपण आपल्या जोडीदारासह एखाद्या ठिकाणी फिरावयास जाऊ शकता. असे केल्याने आपल्या नात्यात पुन्हा एक ताजेपणा येऊन आपण पुन्हा एकमेकांच्या जवळ याल. प्रेमीजनांसाठी आठवडा चांगला आहे. आपण खूपच रोमँटिक व्हाल, जे आपल्या प्रेमिकेच्या पसंतीस उतरेल. आठवड्याचे मधले दिवस व अखेरचा दिवस प्रवासास अनुकूल आहे. विद्यार्थ्यांना काही नवीन विषयांच्या अभ्यासावर लक्ष केंद्रित करावे लागेल. यशस्वी होण्यासाठी कठोर परिश्रम करावे लागतील.

• धनु : हा आठवडा आपल्यासाठी सामान्यच आहे. आठवड्याच्या सुरवातीस एखादा मोठा व्यापारी सौदा होण्याची संभावना आहे. विशेषतः एखाद्या महिलेद्वारा आपल्या व्यापारात गुंतवणूक होऊ शकते. नोकरी करणाऱ्यांसाठी आठवडा काहीसा प्रतिकूल आहे. कार्यालयात आपले एखाद्याशी भांडण होण्याची शक्यता आहे, जे आपल्या बदलीस किंवा नोकरी बदलण्यास कारणीभूत ठरू शकेल. तेव्हा सावध राहावे. प्रकृती बिघडण्याची संभावना आहे. आहारावर नियंत्रण ठेवावे लागेल. विवाहितांचे वैवाहिक जीवन सुखद होईल. नात्यात रोमांसा व्यतिरिक्त आपुलकी सुद्धा राहील. आपण एकमेकांच्या अधिक जवळ याल. हा आठवडा प्रेमीजनांना आपल्या प्रेमिकेशी मोकळेपणाने बोलण्याचा आहे. आठवड्याचा पहिला दिवस व अखेरचा दिवस असे दोन दिवस प्रवासास अनुकूल आहेत. विद्यार्थ्यांना खूप परिश्रम करून प्रगती करण्याची संधी मिळेल.

• मकर : आपल्यासाठी हा आठवडा मध्यम फलदायी आहे. आपल्या खर्चात वाढ होईल. थोडा मानसिक ताण राहील. वैवाहिक जीवनात सुद्धा संतुलनाच्या अभावामुळे एकमेकांना समजून घेणे अवघड होईल. वैवाहिक जोडीदारासाठी एखादी महागडी वस्तू खरेदी करू शकाल. एखादा महागडा मोबाईल खरेदी करून देऊ शकता. प्रणयी जीवनासाठी आठवडा चांगला आहे. प्रेमिकेसह सुखद क्षण घालविण्याची संधी मिळेल. व्यापाऱ्यांसाठी आठवडा चांगला असून ते आपल्या व्यापारात काही नवीन प्रयोग करतील, ज्यात त्यांना फायदा सुद्धा होईल. नोकरी करणाऱ्यांना थोडा त्रास होऊ शकतो, परंतु आपली प्रलंबित असलेली पदोन्नती होऊ शकते. कामावर लक्ष केंद्रित करण्यात आपण यशस्वी व्हाल. आठवड्याचा अखेरचा दिवस प्रवासास अनुकूल आहे. विद्यार्थ्यांसाठी आठवडा काहीसा सामान्य आहे. त्यांना आपल्या अभ्यासावर लक्ष केंद्रित करावे लागेल. बाहेरील तळलेले पदार्थ खाणे टाळावे.

• कुंभ : हा आठवडा आपल्यासाठी मध्यम फलदायी आहे. विवाहितांना त्यांच्या वैवाहिक जीवनात काहीसा तणाव जाणवेल. ह्यास कारणीभूत आपल्या जोडीदाराचे कटू बोल असतील, जे आपल्या मनास टोचतील. प्रणयी जीवनासाठी आठवडा चांगला आहे. कोणत्याही प्रकारच्या भांडणा पासून दूर राहावे. दुसऱ्याच्या गोष्टीत ढवळाढवळ सुद्धा करू नये. नोकरी करणाऱ्या व्यक्तींना त्यांच्या कामात चांगले परिणाम मिळतील. त्यांचे परिश्रम यशस्वी होतील. आपली पदोन्नती संभवते. व्यापाऱ्यांना सुद्धा चांगले परिणाम मिळतील. त्यांना त्यांच्या परिश्रमाचे फळ मिळाल्याने ते खूपच खुश झाल्याचे दिसून येईल. असे असल्र तरी व्यावसायिक भागीदाराशी संबंध बिघडणार नाहीत याची काळजी घ्यावी. आठवड्याचे सुरवातीचे दिवस प्रवासास अनुकूल आहेत. विद्यार्थ्यांना अभ्यासात काही अडथळ्यांना सामोरे जावे लागू शकते.

• मीन : हा आठवडा आपल्यासाठी चांगला आहे. आठवड्याच्या सुरूवातीसच आपणास आपल्या कामात मजबुती असल्याचे दिसेल, व त्यामुळे आपला आत्मविश्वास उंचावेल. व्यापारी आपल्या व्यापारास मजबुती देण्यासाठी काही नवीन सौदे करतील. काही नवीन मार्गदर्शक तत्वे तयार करतील. त्याचा त्यांना चांगला लाभ सुद्धा होईल. नोकरी करणाऱ्यांना आपल्या कामावर लक्ष केंद्रित करून परिश्रम करावे लागतील. असे केल्याने त्यांना चांगले परिणाम प्राप्त होतील. आपल्या प्रकृतीत सुधारणा झाली तरी आपणास आपल्या आहारावर नियंत्रण ठेवावे लागेल. अन्यथा आपणास पुन्हा त्रास होऊ शकतो. विवाहितांचे वैवाहिक जीवन ह्या आठवड्यात सुखद होईल. त्यांच्या परस्पर संबंधात सुधारणा होऊन त्यांच्यातील जवळीक वाढेल. प्रेमीजन सुद्धा त्यांच्या प्रणयी जीवनात खुश होतील.