हैदराबाद : क्रिकेटर सचिन तेंडुलकरचा ( Cricketer Sachin Tendulkar ) मुलगा अर्जुन तेंडुलकर याला आयपीएल खेळाडूंच्या लिलावात ( IPL auction 2022 ) मुंबई इंडियन्स संघाने ३० लाख रुपयांना विकत घेतले आहे. सलग दुसऱ्या लिलावात मुंबई इंडियन्सने त्याला विकत घेतले आहे. त्याची बेस प्राईज २० लाख रुपये होती. मात्र गुजरात टायटन्स संघाने जास्त बोली लावली होती. त्यानंतर मुंबई इंडियन्स संघाने त्यापेक्षा जास्त बोली लावत त्याला विकत ( Arjun Tendulkar bought by Mumbai Indians ) घेतले.
-
IPL auction 2022: Sachin Tendulkar's son Arjun Tendulkar bought by Mumbai Indians for Rs 30 lakhs
— ANI (@ANI) February 13, 2022 " class="align-text-top noRightClick twitterSection" data="
">IPL auction 2022: Sachin Tendulkar's son Arjun Tendulkar bought by Mumbai Indians for Rs 30 lakhs
— ANI (@ANI) February 13, 2022IPL auction 2022: Sachin Tendulkar's son Arjun Tendulkar bought by Mumbai Indians for Rs 30 lakhs
— ANI (@ANI) February 13, 2022
२०२१ मधेही केले होते खरेदी
अर्जुन याला इंडियन प्रीमियर लीगच्या मेगा लिलावात मुंबई इंडियन्सने पुन्हा एकदा संघात सामील करून घेतले आहे. अर्जुनला सलग दुसऱ्या सत्रात ३० लाखांची बोली लावून मुंबई इंडियन्सने विकत घेतले आहे. 2021 च्या हंगामाच्या लिलावातही मुंबईने या अष्टपैलू खेळाडूला मूळ किमतीत खरेदी केले होते.
आकाश अंबानींनी लावली बोली
आयपीएलच्या लिलावात अर्जुन तेंडुलकरच्या नावाची घोषणा होताच मुंबई इंडियन्सचे मालक आकाश अंबानी यांनी बोली लावायला सुरुवात केली. यात गुजरात टायटन्सने जास्त रकमेची बोली लावली. त्यानंतर मुंबईने पुन्हा खेळी करत अर्जुनाची किंमत वाढवली. यावर गुजरात छावणीने काही काळ विचार केला आणि नंतर पुढे न जाण्याचा निर्णय घेतला. बोली निश्चित होताच लिलाव सभागृहात हशा पिकला होता.
अष्टपैलू खेळाडू
अर्जुन तेंडुलकर हा एक वेगवान गोलंदाजी करणारा अष्टपैलू खेळाडू आहे. गेल्या वर्षी इंडियन प्रीमियर लीगच्या 14 व्या हंगामात प्रथमच आयपीएल लिलावात दिसलेल्या अर्जुनला मुंबई इंडियन्सने त्याची मूळ किंमत 20 लाख रुपये देऊन खरेदी केले. मात्र, तो आयपीएलमध्ये एकही सामना खेळू शकला नाही आणि दुखापतीमुळे त्याला टूर्नामेंटमधूनच बाहेर पडावे लागले होते.
