अफगाणिस्तानच्या माजी मंत्र्यांना ओळखणेही झाले कठीण; जर्मनीत सुरू केले पिझ्झा डिलिव्हरीचे काम

नवी दिल्ली/जर्मनी - तालिबानींनी अफगाणिस्तानची सत्ता ताब्यात घेतल्यानंतर अनेक नागरिकांना देश सोडून पळवावे लागले. दुसरीकडे अफगाणिस्तानमध्ये सत्तेत राहिलेल्या मंत्र्याला जर्मनीमध्ये पिझ्झा डिलिव्हरी बॉयचे काम करावे लागत आहे. सैय्यद अहमद शाह सआदत असे या अफगाणिस्तानच्या माजी दूरसंचार मंत्र्यांचे नाव आहे.

अफगाणिस्तानचे माजी दूरसंचार मंत्री सैय्यद अहमद शाह सआदत हे जर्मनीमधील लिपजिग शहरात डिलिव्हरी बॉयचे काम करत आहेत. याबाबतचे वृत्त जर्मनीच्या माध्यमात प्रसिद्धही झाले आहे.

घरोघरी जाऊन पिझ्झा डिलिव्हरीचे करतात काम-

माजी मंत्र्यांचा फोटो पाहून त्यांना ओळखणे कठीण जात आहे. कधीकाळी सुरक्षा कर्मचाऱ्यांच्या गराड्यात असलेल्या सैय्यद अहमद शाह सआदत हे शहरात पिझ्झा डिलिव्हरी बॉयचे काम करत आहेत. ते 2018 मध्ये अफगाणिस्तानचे मंत्री होते. गेल्या वर्षी ते निवृत्त झाल्यानंतर जर्मनीत गेले होते. काही दिवस चांगल्या परिस्थिती घालविल्यानंतर त्यांच्याजवळील पैसे संपले. पुन्हा त्यांच्यासमोरील संकटात वाढ झाली आहे. ते शहरात सायकलीने फिरतात. घरोघरी जाऊन पिझ्झा डिलिव्हरी करत आहेत.

ऑक्सफोर्ड विद्यापीठामधून घेतले शिक्षण

सआदत यांनी ऑक्सफोर्ड विद्यापीठामधून कम्युनिकेशनमध्ये एमएसस्सी केले आहे. तसेच ते इलेक्ट्रिकल इंजिनिअर आहेत. त्यांनी जगभरातील 13 मोठ्या शहरांमध्ये 23 वर्षे काम केले आहे.

जर्मन टेलीकॉम कंपनीत नोकरी करण्याचे स्वप्न-

रिपोर्टनुसार माजी मंत्री म्हणाले, की सध्या मी सामान्य जीवन जगत आहे. मला जर्मनीमध्ये सुरक्षित वाटत आहे. लिपजिगमध्ये आपल्या कुटुंबासमवेत खुश आहे. पैसे वाचवून मी जर्मनीमध्ये कोर्स करू इच्छितो. शिकून पुढे जाण्याची इच्छा आहे. अनेक ठिकाणी मी अर्ज करूनही प्रतिसाद मिळाला नाही. जर्मन टेलीकॉम कंपनीत नोकरी करण्याचे माझे स्वप्न आहे. तालिबानने अफगाणिस्तानचा ताबा घेतल्याबाबत त्यांनी काहीही प्रतिक्रिया देण्यास नकार दिला आहे.

अफगाणिस्तानमध्ये अराजकता-

अफगाणिस्तानात अराजकता पसरली आहे. तालिबानच्या दहशतीखाली नागरिक जगत आहेत. अमेरिकेने सैन्य माघारी घेतल्यानंतर तालिबानने पंजशीर प्रांत वगळता संपूर्ण अफगाणिस्तानावर ताबा मिळवला आहे. तेथील महिलांची परिस्थिती तर अत्यंत बिकट झाली आहे.

हेही वाचा-उसाला मिळणार आजपर्यंतचा सर्वाधिक हमीभाव; प्रति क्विंटल 290 रुपये एफआरपीची केंद्राकडून घोषणा

हेही वाचा-भारतामधील कोरोना महामारीचा जवळ आला अंत...जागतिक आरोग्य संघटनेच्या सौम्या स्वामीनाथन यांचा अंदाज

हेही वाचा-दिल्लीतील अफगाण महिलांनी सांगितली तालिबानची क्रुरता...