नवी दिल्ली भारत All India Football Federation फिफाने तृतीय पक्षांच्या अवाजवी प्रभावामुळे निलंबित केले आहे. 17 वर्षांखालील महिला विश्वचषक स्पर्धेचे यजमानपदही काढून घेतले आहे. हे पाहता केंद्राने मंगळवारी सर्वोच्च न्यायालयात अखिल भारतीय फुटबॉल महासंघाच्या AIFF प्रकरणी तातडीने सुनावणी घेण्याची मागणी केली. भारत 11 ते 30 ऑक्टोबर दरम्यान फिफा स्पर्धेचे यजमानपद भूषवणार आहे. या प्रकरणाची सुनावणी बुधवार 17ऑगस्ट रोजी होणार आहे.
सॉलिसिटर जनरल तुषार मेहता केंद्रातर्फे हजर झालेले न्यायमूर्ती डीवाय चंद्रचूड आणि एएस बोपण्णा यांच्या खंडपीठाला म्हणाले की, एका महत्त्वपूर्ण घडामोडीत फिफाने भारताला निलंबनाचे पत्र पाठवले आहे आणि ते रेकॉर्डवर आणण्याची गरज आहे. खंडपीठाने मेहता यांना सांगितले की, हे प्रकरण बुधवारी न्यायालयात सूचीबद्ध आहे. ते पहिले प्रकरण म्हणून घेण्याचा प्रयत्न करेल. मेहता म्हणाले की फिफाचे मुख्यालय जिनिव्हा FIFA headquarters in Geneva येथे आहे आणि त्यांनी काही निर्णय घेतले आहेत. जे देशासाठी महत्त्वपूर्ण घडामोडी आहेत आणि ते न्यायालयासमोर आणणे आवश्यक आहे.
ते म्हणाले माझी विनंती आहे की, न्यायालयात प्रलंबित असलेल्या एआयएफएफ प्रकरणाची तात्काळ सुनावणी Immediate hearing of AIFF case झाली पाहिजे. FIFA ने मंगळवारी तृतीय पक्षाचा अवाजवी प्रभाव असे कारण देत भारताला निलंबित केले आणि ऑक्टोबरमध्ये होणार्‍या U-17 महिला विश्वचषक स्पर्धेचे यजमानपद काढून घेतले. या प्रकरणी सर्वोच्च न्यायालयात 17 ऑगस्ट रोजी सुनावणी होणार आहे.
हेही वाचा FIFA Suspends AIFF अखिल भारतीय फुटबॉल फेडरेशनला FIFA ने केले निलंबित
