नवी दिल्ली: केंद्रीय मंत्रिमंडळाने बुधवारी भारतात फिफा अंडर-17 महिला फुटबॉल विश्वचषक 2022 चे आयोजन करण्याच्या हमीपत्रावर स्वाक्षरी करण्यास मान्यता दिली. माहिती आणि प्रसारण आणि युवा आणि क्रीडा मंत्री अनुराग ठाकूर ( Sports Minister Anurag Thakur ) यांनी ही माहिती दिली. ठाकूर यांनी पत्रकारांना सांगितले की, पंतप्रधान नरेंद्र मोदी यांच्या अध्यक्षतेखाली झालेल्या मंत्रिमंडळाच्या बैठकीत यासंबंधीचा प्रस्ताव मंजूर करण्यात आला आहे. त्यांनी सांगितले की FIFA U-17 महिला विश्वचषक 2022 ( FIFA U-17 Women World Cup ) भारतात 11 ते 30 ऑक्टोबर 2022 दरम्यान खेळवला जाणार आहे.
अधिकृत निवेदनानुसार, या द्विवार्षिक स्पर्धेचा सातवा हंगाम भारतात होणार आहे, जी देशातील पहिली फिफा महिला स्पर्धा असेल. अखिल भारतीय फुटबॉल महासंघाला ( AIFF ) खेळाच्या मैदानाची देखभाल, स्टेडियममधील प्रेक्षक क्षमता, ऊर्जा आणि केबल टाकणे आणि मैदान आणि प्रशिक्षण स्थळाचे ब्रँडिंग यासाठी 10 कोटी रुपयांचा आर्थिक खर्च, राष्ट्रीय क्रीडा महासंघांना मदत योजनेसाठी अर्थसंकल्पीय वाटपातून (NSFs) खर्च केला जाईल, असे निवेदनात म्हटले आहे.
फिफा अंडर-17 महिला विश्वचषक ही एक प्रतिष्ठित स्पर्धा आहे. तसेच ही स्पर्धा भारतात प्रथमच आयोजित केली जाईल, असे निवेदनात म्हटले आहे. यामुळे अधिक संख्येने तरुणांना खेळांमध्ये सहभागी होण्यासाठी प्रोत्साहन मिळेल आणि भारतात फुटबॉल खेळाचा विकास होण्यास मदत होईल. सरकारचा असा विश्वास आहे की, हा कार्यक्रम केवळ भारतीय मुलींमध्ये फुटबॉलला आवडता खेळ म्हणून प्रोत्साहन देईल असे नाही, तर देशातील मुली आणि महिलांना फुटबॉल आणि खेळाचा अवलंब करण्यास मदत करेल असा एक अमिट छाप सोडेल.
हेही वाचा - SC on BCCI : बीसीसीआयच्या याचिकेवर सुप्रीम कोर्टाचा मोठा निर्णय, पदावर कायम राहणार सौरव गांगुली-जय शाह
