नवी दिल्ली/गाझियाबाद - गाझियाबादमधील करेरा परिसरातील धर्मांतर प्रकरणातील धक्कादायक खुलासे उघडकीस आले आहेत. याप्रकरणी साहिबाबाद पोलिसांनी मोन्टू बाल्मीकीच्या तहरीरवर खोटी अफवा पसरवल्याप्रकरणी गुन्हा दाखल केला आहे. या तपासात गुन्हेगारी कारस्थान उघडकीस आले आहे. साध्या व अपूर्ण कागदपत्रांच्या आधारे धर्मांतराच्या अफवा पसरल्या असल्याचेही उघड झाले आहे. एफआयआरनुसार लोकांना फायदेशीर योजनांच्या नावावर फॉर्म उपलब्ध करून देण्यात आले होते आणि त्याच स्वरुपावर लोकांच्या स्वाक्षर्‍या घेण्यात आल्या आहेत.
पोलीस तपासणीत असे स्पष्टपणे सांगितले गेले आहे की, कोणत्याही प्रकारचे धर्मांतर केल्याचा पुरावा सापडलेला नसून ही केवळ अफवा होती. या अफवा पसरवण्यामागे कोण आहे? हे लवकरच उघड होईल. एफआयआरमध्ये एका अज्ञात व्यक्तीचे नाव घेण्यात आले असले तरी पोलीस त्या अज्ञात व्यक्तीची ओळख पटवू शकतात आणि त्याला लवकरच अटक करू शकतात, असे सांगण्यात आले.
प्रकरणावरून राजकीय आरोप-प्रत्यारोप
राजकीय वर्तुळात या प्रकरणी आरोप-प्रत्यारोपांची फैरी झडत आहेत. या प्रकरणात भाजपचे आमदार नंदकिशोर गुर्जर यांनी दिल्लीच्या मुख्यमंत्र्यांवर आरोप केले आहेत. त्याचवेळी कॉंग्रेसने म्हटले आहे की, यूपीमध्ये निराशेची अवस्था निर्माण झाली आहे.
