തിരുവനന്തപുരം: സംസ്ഥാനത്തും കൊവിഡ് പ്രതിരോധ പ്രവർത്തനങ്ങൾ ഊർജിതമാക്കുമെന്ന് മുഖ്യമന്ത്രി പിണറായി വിജയൻ. വിവിധ രാജ്യങ്ങളിൽ കൊവിഡ് കേസുകൾ വർധിക്കുന്നുണ്ട്. ഈ സാഹചര്യം പരിഗണിച്ച് സംസ്ഥാനത്തും പ്രതിരോധ പ്രവർത്തനങ്ങൾ സജീവമാക്കുമെന്ന് മുഖ്യമന്ത്രി വാർത്താസമ്മേളനത്തിൽ പറഞ്ഞു.
കൊവിഡ് കാലത്ത് പഠിച്ച പാഠങ്ങൾ മറക്കരുത്. പനി ചുമ പോലെയുള്ള രോഗലക്ഷണങ്ങൾ അവഗണിക്കരുത്. ലക്ഷണങ്ങൾ പ്രകടിപ്പിക്കുന്നവരുടെ അടുത്ത് ഇടപഴകാതിരിക്കാൻ പ്രത്യേകം ശ്രദ്ധിക്കണം. കരുതലോടെ കൊവിഡിനെ നേരിടണമെന്നും മുഖ്യമന്ത്രി പറഞ്ഞു.
സംസ്ഥാനത്തെ കൊവിഡ് പ്രതിരോധ പ്രവർത്തനങ്ങൾ ആരോഗ്യമന്ത്രിയുടെ നേതൃത്വത്തിൽ അവലോകനം ചെയ്യും. ഇന്ന് തന്നെ ഇതിനായി ആരോഗ്യ മന്ത്രിയുടെ അധ്യക്ഷതയിൽ പ്രത്യേക യോഗം ചേരുമെന്നും മുഖ്യമന്ത്രി കൂട്ടിച്ചേർത്തു.
ALSO READ: വാക്സിനെടുത്തവര്ക്കും രക്ഷയില്ല; അതീവ അപകടകാരിയായ ബിഎഫ്.7 രാജ്യത്ത് സ്ഥിരീകരിച്ചു, മൂന്ന് കേസുകള്