ಛತ್ರಪತಿ ಶಿವಾಜಿ, ಏಕನಾಥ್‌ ಶಿಂದೆ ಪರ ಘೋಷಣೆ ಮೊಳಗಿಸಿದ ಬಂಡಾಯ ಶಾಸಕರು- ವಿಡಿಯೋ

ಗುವಾಹಟಿ(ಅಸ್ಸೋಂ): ಮಹಾರಾಷ್ಟ್ರ ಸರ್ಕಾರದ ವಿರುದ್ಧ ಬಂಡೆದ್ದು ಸದ್ಯ ಗುವಾಹಟಿಯಲ್ಲಿ ಬೀಡುಬಿಟ್ಟಿರುವ ಏಕನಾಥ್​ ಶಿಂದೆ ಬೆಂಬಲಿತ ಶಾಸಕರು ನಾಳೆ ಮುಂಬೈ ತಲುಪಲಿದ್ದಾರೆ. ತಾವು ಉಳಿದುಕೊಂಡಿದ್ದ ರಾಡಿಸನ್‌ ಬ್ಲೂ ಹೋಟೆಲ್​​ನಿಂದ ಗುವಾಹಟಿ ಏರ್​​ಪೋರ್ಟ್​​ಗೆ ಆಗಮಿಸುತ್ತಿದ್ದಂತೆ ಎಲ್ಲರೂ ಸೇರಿಕೊಂಡು, "ಛತ್ರಪತಿ ಶಿವಾಜಿ ಮಹಾರಾಜ್​ ಕೀ ಜೈ, ಏಕನಾಥ್​​ ಶಿಂದೆ ಸಾಹೇಬರೇ​ ನೀವು ಮುಂದೆ ಸಾಗಿ, ನಾವೆಲ್ಲರೂ ನಿಮ್ಮ ಜೊತೆಗಿದ್ದೇವೆ" ಎಂದು ಘೋಷಣೆಗಳನ್ನು ಮೊಳಗಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿರುವ ಶಿಂದೆ, "ನಾವು ನಾಳೆ ಮುಂಬೈ ತಲುಪಿ ವಿಶ್ವಾಸಮತ ಯಾಚನೆಯಲ್ಲಿ ಭಾಗಿಯಾಗಲಿದ್ದೇವೆ. ಶಾಸಕಾಂಗ ಪಕ್ಷದ ಸಭೆ ನಡೆಸಿ ಮುಂದಿನ ನಿರ್ಧಾರ ಪ್ರಕಟಿಸುವೆವು. ನಾವು ಬಂಡಾಯ ಶಾಸಕರಲ್ಲ, ಶಿವ ಸೈನಿಕರು, ಬಾಳಾಸಾಹೇಬ್ ಠಾಕ್ರೆಯವರ ಸಿದ್ಧಾಂತಗಳನ್ನು ಮುಂದಕ್ಕೆ ತೆಗೆದುಕೊಂಡು ಹೋಗುವವರು" ಎಂದರು.