ಚೆನ್ನೈ: ಅನುಭವಿ ಬ್ಯಾಟರ್ ಕರುಣ್ ನಾಯರ್ ಅವರ ಏಕಾಂಗಿ ಹೋರಾಟದ ಶತಕದ ನೆರವಿನಿಂದ ಕರ್ನಾಟಕ ತಂಡ ಜಮ್ಮ ಮತ್ತು ಕಾಶ್ಮೀರ ವಿರುದ್ಧದ ರಣಜಿ ಪಂದ್ಯದಲ್ಲಿ ಮೊದಲ ದಿನ 8 ವಿಕೆಟ್ ಕಳೆದುಕೊಂಡು 268 ರನ್ಗಳಿಸಿದೆ. 3ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಇಳಿದಿದ್ದ ಕರುಣ್ ನಾಯರ್ ದಿನದ ಕೊನೆಯ ಓವರ್ವರೆಗೂ ಏಕಾಂಗಿ ಹೋರಾಟ ನಡೆಸಿ 267 ಎಸೆತಗಳಲ್ಲಿ 21 ಬೌಂಡರಿ ಮತ್ತು 1 ಸಿಕ್ಸರ್ ಸಹಿತ ಅಜೇಯ 152 ರನ್ಗಳಿಸಿ 2ನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದಿರಿಸಿಕೊಂಡಿದ್ದಾರೆ.
ಕರುಣ್ ಹೊರರುಪಡಿಸಿದರೆ ಮಯಾಂಕ್ ಗೈರಿನಲ್ಲಿ ಇನ್ನಿಂಗ್ಸ್ ಆರಂಭಿಸಿದ್ದ ರವಿಕುಮಾರ್ ಸಮರ್ಥ್ 45 ರನ್ಗಳಿಸಿ ಕರ್ನಾಟಕ ಪರ 2ನೇ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಉಳಿದಂತೆ ದೇವದತ್ ಪಡಿಕ್ಕಲ್ 8 ರನ್, ಸಿದ್ಧಾರ್ಥ್ ಕೆವಿ 16, ನಾಯಕ ಮನೀಶ್ ಪಾಂಡೆ 1, ಬಿಆರ್ ಶರತ್ 11, ಶ್ರೇಯಸ್ ಗೋಪಾಲ್ 7, ಕೆ. ಗೌತಮ್ 2. ರೋನಿತ್ ಮೋರೆ 23 ರನ್ಗಳಿಸಿ ವಿಕೆಟ್ ಒಪ್ಪಿಸಿದರು.
ಜಮ್ಮ-ಕಾಶ್ಮೀರ ಪರ ಉಮ್ರಾನ್ ಮಲಿಕ್ 35ಕ್ಕೆ2, ಪರ್ವೇಜ್ ರಸೂಲ್ 51ಕ್ಕೆ 2, ಮುಜ್ತಾಬಾ ಯೂಸುಫ್ 44ಕ್ಕೆ2 , ಅಬ್ದುಲ್ ಸಮದ್ 32ಕ್ಕೆ 1, ಆಕಿಬ್ ನಬಿ 52ಕ್ಕೆ 1 ವಿಕೆಟ್ ಪಡೆದರು.
ಇದನ್ನೂ ಓದಿ:ಆರ್ಸಿಬಿ ನಾಯಕತ್ವ ತ್ಯಜಿಸಿದ್ದಕ್ಕೆ ಕೊನೆಗೂ ಕಾರಣ ಬಹಿರಂಗ ಪಡಿಸಿದ ವಿರಾಟ್ ಕೊಹ್ಲಿ!
