ಜೈಸ್ವಾಲ್, ದುಬೆ ಅಬ್ಬರ; ಅಫ್ಘಾನಿಸ್ತಾನ​ ವಿರುದ್ಧ ಭಾರತಕ್ಕೆ 6 ವಿಕೆಟ್​ ಜಯ, 2-0 ಸರಣಿ ಗೆಲುವು

ಇಂದೋರ್​: ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್ (68, 34 ಬಾಲ್​​) ಹಾಗೂ ಆಲ್​ರೌಂಡರ್​ ಶಿವಂ ದುಬೆ (ಅಜೇಯ 63, 32 ಎಸೆತ) ಅಬ್ಬರದ ಬ್ಯಾಟಿಂಗ್​ ನೆರವಿನಿಂದ ಎರಡನೇ ಟಿ20 ಪಂದ್ಯವನ್ನೂ 6 ವಿಕೆಟ್​ಗಳಿಂದ ಗೆದ್ದ ಭಾರತ ತಂಡ ಅಫ್ಘಾನಿಸ್ತಾನದ ವಿರುದ್ಧ 2-0ದಿಂದ ಸರಣಿ ಜಯಿಸಿದೆ. ಇಲ್ಲಿನ ಹೋಳ್ಕರ್​ ಮೈದಾನದಲ್ಲಿ ನಡೆದ ಹಣಾಹಣಿಯಲ್ಲಿ ಟಾಸ್​ ಸೋತು ಮೊದಲು ಬ್ಯಾಟ್​ ಮಾಡಿದ ಅಫ್ಘನ್ನರು 20 ಓವರ್​ಗಳಲ್ಲಿ ಎಲ್ಲ ವಿಕೆಟ್​ ಕಳೆದುಕೊಂಡು 172 ರನ್​ ಗಳಿಸಿದ್ದರು.

173 ರನ್​ ಗುರಿ ಬೆನ್ನಟ್ಟಿದ ಟೀಂ ಇಂಡಿಯಾ ಆರಂಭಿಕ ಆಘಾತ ಅನುಭವಿಸಿತು. ನಾಯಕ ರೋಹಿತ್ ಶರ್ಮಾ ಶೂನ್ಯಕ್ಕೆ ವಿಕೆಟ್​ ಒಪ್ಪಿಸಿದರು. ಆದರೆ ಬಳಿಕ ಕ್ರೀಸ್​​​ಗಿಳಿದ ಸ್ಟಾರ್​ ಬ್ಯಾಟರ್​ ವಿರಾಟ್​ ಕೊಹ್ಲಿ ಆಕ್ರಮಣಕಾರಿ ಬ್ಯಾಟಿಂಗ್​ ಪ್ರದರ್ಶಿಸಿದರು. 16 ಬಾಲ್​ಗಳಲ್ಲಿ 29 ರನ್​ ಬಾರಿಸಿ ವಿರಾಟ್​ ಔಟಾದರು. ಇನ್ನೊಂದು ತುದಿಯಲ್ಲಿ ಅಮೋಘ ಆಟ ತೋರಿದ ಜೈಸ್ವಾಲ್, ವಿರಾಟ್​ ಜೊತೆಗೂಡಿ 57 ರನ್​ ಸೇರಿಸಿದರು. ಆಗ ತಂಡದ ಮೊತ್ತ 5.3 ಓವರ್​ಗಳಲ್ಲಿ 62 ರನ್​ ಆಗಿತ್ತು.

• For his bowling figures of 2/17, Axar Patel is adjudged Player of the Match as #TeamIndia win the 2nd T20I by 6 wickets.
  
  Scorecard - https://t.co/CWSAhSZc45 #INDvAFG@IDFCFIRSTBank pic.twitter.com/ectnmGEfN7

  — BCCI (@BCCI) January 14, 2024 " class="align-text-top noRightClick twitterSection" data="

  For his bowling figures of 2/17, Axar Patel is adjudged Player of the Match as #TeamIndia win the 2nd T20I by 6 wickets.
  
  Scorecard - https://t.co/CWSAhSZc45 #INDvAFG@IDFCFIRSTBank pic.twitter.com/ectnmGEfN7

  — BCCI (@BCCI) January 14, 2024

  ">

  For his bowling figures of 2/17, Axar Patel is adjudged Player of the Match as #TeamIndia win the 2nd T20I by 6 wickets.
  
  Scorecard - https://t.co/CWSAhSZc45 #INDvAFG@IDFCFIRSTBank pic.twitter.com/ectnmGEfN7

  — BCCI (@BCCI) January 14, 2024

ಕೊಹ್ಲಿ ವಿಕೆಟ್​ ಪತನದ ಬಳಿಕ ಯಶಸ್ವಿ ಜೊತೆಗೂಡಿದ ಶಿವಂ ದುಬೆ ಅಫ್ಘನ್​ ಬೌಲಿಂಗ್​ ದಾಳಿಯನ್ನು ಧೂಳಿಪಟ ಮಾಡಿದರು. ಈ ಜೋಡಿ, ಮೂರನೇ ವಿಕೆಟ್​ಗೆ 92 ರನ್​ ಸೇರಿಸಿತಲ್ಲದೆ, ತಂಡವನ್ನು ಸುಲಭ ಜಯದತ್ತ ಕೊಂಡೊಯ್ದಿತು. ಮೊಹಮದ್​ ನಬಿ ಓವರ್​ನಲ್ಲಿ ಸತತ ಮೂರು ಸಿಕ್ಸರ್​ ಸಿಡಿಸಿದ ದುಬೆ ಅಜೇಯ ಅರ್ಧಶತಕ ಬಾರಿಸಿ ಮಿಂಚಿದರು. ಜೈಸ್ವಾಲ್​ ಔಟಾದ ಬಳಿಕ ಬಂದ ಜಿತೇಶ್​ ಶರ್ಮಾ ಶೂನ್ಯಕ್ಕೆ ವಿಕೆಟ್​ ಒಪ್ಪಿಸಿ ನಿರಾಸೆ ಅನುಭವಿಸಿದರು. ತದನಂತರ ರಿಂಕು ಸಿಂಗ್​ ಅಜೇಯ 9 ರನ್​ ಗಳಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು. 15.4 ಓವರ್​ಗಳಲ್ಲೇ 4 ವಿಕೆಟ್​ ಕಳೆದುಕೊಂಡ ಭಾರತ ತಂಡ ಗೆಲುವಿನ ಕೇಕೆ ಹಾಕಿತಲ್ಲದೆ, ಸರಣಿ ಜಯಿಸಿದೆ.

ಅಫ್ಘಾನಿಸ್ತಾನಕ್ಕೆ ಗುಲ್ಬದಿನ್ ಅರ್ಧಶತಕದ ಬಲ: ಮೊದಲು ಬ್ಯಾಟಿಂಗ್​ಗಿಳಿದ​ ಅಫ್ಘಾನಿಸ್ತಾನ ತಂಡ ಮೊದಲೆರಡು ಓವರ್​ಗಳಲ್ಲಿ 20 ರನ್​ ಗಳಿಸಿ ಉತ್ತಮ ಆರಂಭ ಪಡೆಯಿತು. ಈ ವೇಳೆ 14 ರನ್​ ಗಳಿಸಿದ ಆರಂಭಿಕ ಆಟಗಾರ ಗುರ್ಬಾಜ್​ ದೊಡ್ಡ ಹೊಡೆತಕ್ಕೆ ಯತ್ನಿಸಿ ವಿಕೆಟ್​ ಒಪ್ಪಿಸಿದರು. ಬಳಿಕ ಬಂದ ಗುಲ್ಬದಿನ್​ ಆಕ್ರಮಣಕಾರಿ ಆಟ ಪ್ರದರ್ಶಿಸಿ, ತಂಡದ ಮೊತ್ತವನ್ನು ಹಿಗ್ಗಿಸಿದರಲ್ಲದೆ, ಅರ್ಧಶತಕ (57 ರನ್​, 35 ಎಸೆತ) ಬಾರಿಸಿ ಮಿಂಚಿದರು. ಮತ್ತೊಂದೆಡೆ ನಾಯಕ ಇಬ್ರಾಹಿಂ ಜದ್ರನ್​ 10 ಎಸೆತಗಳಲ್ಲಿ ಕೇವಲ 8 ರನ್​ ಬಾರಿಸಿ ಔಟಾದರು.

ಅರ್ಧಶತಕ ಬಾರಿಸಿ ಆಡುತ್ತಿದ್ದ ಗುಲ್ಬದಿನ್​ ಕೂಡ 57 ರನ್​ಗಳಿಗೆ ಪೆವಿಲಿಯನ್​ಗೆ ಮರಳಿದರು. ಬಳಿಕ ಅಜ್ಮತುಲ್ಲಾ (2), ಅನುಭವಿ ಆಟಗಾರ ಮೊಹಮದ್​ ನಬಿ (14) ಬೇಗ ಔಟಾಗುವ ಮೂಲಕ 104 ರನ್​​ಗಳಿಗೆ ಅಫ್ಘಾನಿಸ್ತಾನ ತಂಡದ 5 ವಿಕೆಟ್​ ಉರುಳಿದ್ದವು. ಆದರೆ ಬಳಿಕ ಬಂದ ಬ್ಯಾಟರ್​ಗಳು ಭಾರತದ ಬೌಲರ್​ಗಳನ್ನು ದಂಡಿಸಿದರು.

ನಜಿಬುಲ್ಲಾ (23, 21 ಬಾಲ್​), ಕರಿಮ್​ ಜನತ್​ (20 ರನ್​ 10 ಎಸೆತ) ಹಾಗೂ ಮುಜೀಬ್​ (21 ರನ್​, 9 ಎಸೆತ) ವೇಗವಾಗಿ ರನ್​ ಸಿಡಿಸಿ, ತಂಡದ ಉತ್ತಮ ಮೊತ್ತಕ್ಕೆ ನೆರವಾದರು. ಅಂತಿಮವಾಗಿ ಅಫ್ಘನ್ನರು 20 ಓವರ್​ಗಳಲ್ಲಿ ಎಲ್ಲ ವಿಕೆಟ್​ ಕಳೆದುಕೊಂಡು 172 ರನ್​ ಬಾರಿಸಿದ್ದರು. ಭಾರತದ ಪರ ವೇಗಿ ಅರ್ಶದೀಪ್​ ಸಿಂಗ್​ 3, ಸ್ಪಿನ್ನರ್​ಗಳಾದ ಅಕ್ಷರ್​ ಪಟೇಲ್​ ಹಾಗೂ ರವಿ ಬಿಷ್ಣೋಯಿ 2 ಹಾಗೂ ಆಲ್​ರೌಂಡರ್​ ಶಿವಂ ದುಬೆ ಒಂದು ವಿಕೆಟ್​ ಕಬಳಿಸಿದ್ದರು. ಸರಣಿಯ ಮೂರನೇ ಹಾಗೂ ಅಂತಿಮ ಪಂದ್ಯ ಜನವರಿ 17 ರಂದು ಬೆಂಗಳೂರಿನಲ್ಲಿ ನಡೆಯಲಿದೆ.

ಇದನ್ನೂ ಓದಿ: ಮಲೇಷ್ಯಾ ಓಪನ್: ಭಾರತದ ಸಾತ್ವಿಕ್‌ ಚಿರಾಗ್​ ಜೋಡಿ ರನ್ನರ್​ಅಪ್​