ಚಿತ್ತೂರು: ಮೂರು ವಾಹನಗಳು ಒಂದಕ್ಕೊಂದು ಡಿಕ್ಕಿ ಹೊಡೆದಿದ್ದು, ಸ್ಥಳದಲ್ಲೇ ನಾಲ್ವರು ಮೃತಪಟ್ಟಿರುವ ಘಟನೆ ಆಂಧ್ರಪ್ರದೇಶದ ಚಿತ್ತೂರು ಜಿಲ್ಲೆಯ ಪಲಮನೇರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ನಡೆದಿದೆ.
ಲಾರಿ-ಕಾರು-ಬೈಕ್ ಡಿಕ್ಕಿ
ಲಾರಿಯೊಂದು ಬೈಕ್ಗೆ ಗುದ್ದಿದ್ದು, ಹಿಂದಿನಿಂದ ಬಂದ ಕಾರು ಲಾರಿಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಕಾರಿನಲ್ಲಿದ್ದ ಮೂವರು ಹಾಗೂ ಬೈಕ್ ಸವಾರ ಪ್ರಾಣ ಕಳೆದುಕೊಂಡಿದ್ದಾರೆ. ಕಾರಿನಲ್ಲಿದ್ದ ವೆಂಕಟೇಶ್ವರ ರೆಡ್ಡಿ (29), ರತ್ನಮ್ಮ (49), ಶ್ರೀನಿವಾಸುಲು ರೆಡ್ಡಿ (55) ಕರ್ನಾಟಕದಿಂದ ತಿರುಪತಿಗೆ ಬರುತ್ತಿದ್ದರು. ಮೃತ ಬೈಕ್ ಸವಾರನನ್ನು ಬಂಗಾರಪಾಲಯಂ ನಿವಾಸಿ ಬಾಬು (45) ಎಂದು ಗುರುತಿಸಲಾಗಿದೆ.
ಈ ಸಂಬಂಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
