ನಟಿ ದಿಶಾ ಪಟಾನಿ ಹಿಂದಿ ಚಿತ್ರರಂಗದ ಫಿಟ್ಟೆಸ್ಟ್ ಸೆಲೆಬ್ರಿಟಿಗಳಲ್ಲಿ ಒಬ್ಬರು. ಬಾಲಿವುಡ್ ಬ್ಯೂಟಿ, ಫಿಟ್ನೆಸ್ ಐಕಾನ್ ಕುರಿತು ಚರ್ಚೆ ಮಾಡಿದರೆ ಆ ಪೈಕಿ ದಿಶಾ ಪಟಾನಿ ಕೂಡಾ ಇದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಅವರ ಫಿಟ್ನೆಸ್ ತರಬೇತುದಾರು ಹಂಚಿಕೊಂಡಿರುವ ಫೋಟೋ, ವಿಡಿಯೋ ನಟಿಯ ಕಠಿಣ ಪರಿಶ್ರಮಕ್ಕೆ ಕೈಗನ್ನಡಿ ಹಿಡಿಯುತ್ತದೆ. ಎಂ.ಎಸ್.ಧೋನಿ - ದಿ ಅನ್ಟೋಲ್ಡ್ ಸ್ಟೋರಿ ಚಿತ್ರನಟಿ ದಿಶಾ ಪಟಾನಿ ಜಿಮ್ನಲ್ಲಿ ಬೆವರು ಸುರಿಸಿರುವ ಮೂಲಕ ತಮ್ಮ ಫಿಟ್ನೆಸ್ ಮತ್ತು ಸೌಂದರ್ಯ ಕಾಪಾಡಿಕೊಂಡಿದ್ದಾರೆ.
ಯುವ ನಟಿ ಶ್ರದ್ಧೆಯಿಂದ ಪ್ರತಿದಿನ ವರ್ಕೌಟ್ ಮಾಡುತ್ತಾರೆ. ಈ ಮೂಲಕ ಮೂಲಕ ಟ್ರಿಮ್ ಫಿಗರ್ ಕಾಪಾಡಿಕೊಂಡಿದ್ದಾರೆ. ಬಾಲಿವುಡ್ ತಾರೆಯ ಇನ್ಸ್ಟಾ ಸ್ಟೋರಿ ಅವರ ಕಠಿಣ ಪರಿಶ್ರಮಕ್ಕೆ ಸಾಕ್ಷಿಯಾಗಿದೆ. ನಟಿಯ ವ್ಯಾಯಾಮದ ವಿಡಿಯೋವನ್ನು ಅವರ ಜಿಮ್ ತರಬೇತುದಾರ ರಾಜೇಂದ್ರ ಧೋಲೆ ಪೋಸ್ಟ್ ಮಾಡಿದ್ದಾರೆ. ಅದನ್ನು ತಮ್ಮ ಇನ್ಸ್ಟಾ ಸ್ಟೋರಿನಲ್ಲಿ ಮರು ಹಂಚಿಕೊಂಡಿದ್ದಾರೆ. ಈ ಚಿಕ್ಕ ವಿಡಿಯೋದಲ್ಲಿ ದಿಶಾ ಪಟಾನಿ ಹಳದಿ ಬಣ್ಣದ ಶಾರ್ಟ್ಸ್ ಮತ್ತು ಬೂದು ಬಣ್ಣದ ಕ್ರಾಪ್ ಟಾಪ್ ಜಾಕೆಟ್ ಧರಿಸಿದ್ದಾರೆ.
ದಿಶಾ ಪಟಾನಿ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಸಕ್ರಿಯರು 57.5 ಮಿಲಿಯನ್ ಫಾಲೋವರ್ಗಳನ್ನು ಸಂಪಾದಿಸಿರುವ ಇವರು ಈವರೆಗೆ ಒಟ್ಟು 2,042 ಪೋಸ್ಟ್ಗಳನ್ನು ಶೇರ್ ಮಾಡಿದ್ದಾರೆ. ಅವರ ಇನ್ಸ್ಟಾ ಪೇಜ್ ತೆರೆದು ನೋಡಿದರೆ ನಟಿ ಬಾಲಿವುಡ್ನ ಫಿಟ್ನೆಸ್ ಐಕಾನ್ ಅನ್ನೋದ್ರಲ್ಲಿ ಯಾವುದೇ ಸಂಶಯ ಮೂಡುವುದಿಲ್ಲ. ಇನ್ಸ್ಟಾ ಸ್ಟೋರಿನಲ್ಲಿ ತಮ್ಮ ವ್ಯಾಯಾಮ ಸೇರಿದಂತೆ ದಿನನಿತ್ಯದ ಚಿತ್ರಗಳನ್ನು ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಾರೆ. ಜೊತೆಗೆ ತಮ್ಮ ಪ್ರೇಕ್ಷಕರನ್ನು ಸಹ ಅದೇ ರೀತಿ ಮಾಡಲು ಪ್ರೋತ್ಸಾಹಿಸುತ್ತಾರೆ.
ಇನ್ನೂ ನ್ಯಾಶನಲ್ ಕ್ರಶ್ ಖ್ಯಾತಿಯ ಬಹುಭಾಷಾ ತಾರೆ ರಶ್ಮಿಕಾ ಮಂದಣ್ಣ ಸಹ ಫಿಟ್ನೆಸ್ಗೆ ಹೆಚ್ಚು ಆದ್ಯತೆ ಕೊಡುತ್ತಾರೆ. ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ಕಿರಿಕ್ ಪಾರ್ಟಿ ಬೆಡಗಿ ಇತ್ತೀಚೆಗಷ್ಟೇ ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿನಲ್ಲಿ ತಮ್ಮ ಫಿಟ್ನೆಸ್ ತರಬೇತಿಯ ಚಿತ್ರವೊಂದನ್ನು ಹಂಚಿಕೊಂಡಿದ್ದರು. ಕೋಚ್ ಕರಣ್ ಸಾವ್ಹ್ನೇ (Karan Sawhney) ಅವರಿಂದ ಮಾರ್ಗದರ್ಶನ ಪಡಯುವ ಶ್ರೀವಲ್ಲಿ ತಮ್ಮ ಫಿಟ್ನೆಸ್ ತರಬೇತಿ ಅವಧಿಯ ಚಿತ್ರಗಳು ಮತ್ತು ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡುವ ಮೂಲಕ ಅಭಿಮಾನಿಗಳನ್ನೂ ಪ್ರೋತ್ಸಾಹಿಸುತ್ತಾರೆ. ಅದರಂತೆ ತಮ್ಮ ಮಾರ್ಗದರ್ಶಕರ ಜೊತೆ ನಿಂತ ಚಿತ್ರವೊಂದನ್ನು ಹಂಚಿಕೊಂಡು ಸದ್ದು ಮಾಡಿದ್ದರು.
ಇದನ್ನೂ ಓದಿ: ಅಕ್ಟೋಬರ್ನಲ್ಲಿ ಪರಿಣಿತಿ ಚೋಪ್ರಾ - ರಾಘವ್ ಚಡ್ಡಾ ಮದುವೆ?!
ಈಗಾಗಲೇ ಬಿಡುಗಡೆ ಆಗಿರುವ ಶಾಕುಂತಲೆ, ಶೂಟಿಂಗ್ ಹಂತದಲ್ಲಿರುವ ಹಿಂದಿ ಆವೃತ್ತಿಯ ಸಿಟಾಡೆಲ್ ನಟಿ ಸಮಂತಾ ರುತ್ ಪ್ರಭು ಕೂಡ ತಮ್ಮ ಫಿಟ್ನೆಸ್ಗೆ ಹೆಚ್ಚು ಮಹತ್ವ ಕೊಡುತ್ತಾರೆ. ತಮ್ಮ ವರ್ಕ್ಔಟ್ ಫೋಟೋ ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳನ್ನೂ ಸಹ ಪ್ರೋತ್ಸಾಹಿಸುತ್ತಾರೆ. ಅನಾರೋಗ್ಯದ ವಿರುದ್ಧ ಹೋರಾಡುತ್ತಿರುವ ಸೌತ್ ಚೆಲುವೆಗೆ ದಿನನಿತ್ಯದ ವ್ಯಾಯಾಮ ಸಹಕಾರಿಯಾಗಿದೆ.
ಇದನ್ನೂ ಓದಿ: ಮತ್ತೆ ಮದುವೆ!: 'ತೆಲುಗು ಇಂಡಸ್ಟ್ರಿಯವರು ಕನ್ನಡದ ಮೇಲೆ ಕಣ್ ಹಾಕ್ತಿದಿರಲ್ವಾ'
ಮಾಜಿ ವಿಶ್ವಸುಂದರಿ ಸುಶ್ಮಿತಾ ಸೇನ್ ಕೆಲ ಸಮಯದ ಹಿಂದೆ ಹೃದಯಾಘಾತಕ್ಕೆ ಒಳಗಾಗಿದ್ದರು. ಸೂಕ್ತ ಚಿಕಿತ್ಸೆ ಪಡೆದು ಚೇತರಿಸಿಕೊಂಡಿರುವ ನಟಿ ದಿನನಿತ್ಯದ ವ್ಯಾಯಾಮ ನನಗೆ ಸಹಕಾರಿ ಆಗಿದೆ ಎಂಬ ಸಂದೇಶ ಕೊಟ್ಟಿದ್ದಾರೆ. ಇವರೂ ಕೂಡ ಆಗಾಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ವರ್ಕ್ಔಟ್ ವಿಡಿಯೋ ಫೋಟೋ ಶೇರ್ ಮಾಡುತ್ತಿರುತ್ತಾರೆ. ಇನ್ನೂ ನಟಿ ಶಿಲ್ಪಾ ಶೆಟ್ಟಿ ಬಗ್ಗೆ ವಿಶೇಷವಾಗಿ ಹೇಳಬೇಕೆಂದಿಲ್ಲ. ಯೋಗ, ದಿನನಿತ್ಯದ ವ್ಯಾಯಾಮದಿಂದ 47ರ ಹರೆಯದಲ್ಲೂ ದಂತದ ಗೊಂಬೆಯಂತಿದ್ದಾರೆ.
