Seized huge amount of drugs: খাদ্য সামগ্ৰীৰ পেকেটত ওলাল গাঞ্জা

বঙাইগাঁও, 4 নৱেম্বৰ : নিউ বঙাইগাঁও ৰে’লৱে ষ্টেচনত ৰে’ল আৰক্ষীৰ অভিযান ৷ অভিযান কালত ত্ৰিপুৰা সুন্দৰী এক্সপ্ৰেছৰ পৰা জব্দ কৰা হয় বুজন পৰিমাণৰ গাঞ্জা । বিস্কুট, নুডলছ আৰু চিপছৰ পেকেটত ওলাল এইবাৰ গাঞ্জা ৷ নিউ বঙাইগাঁও ৰে’লৱে ষ্টেচনত অসম ৰেল আৰক্ষীৰ সফল অভিযান ৷ 14619 ত্ৰিপুৰা সুন্দৰী এক্সপ্ৰেছত গোপন সূত্ৰৰ খবৰৰ ভিত্তিত অভিযান চলাই আৰক্ষীয়ে জব্দ কৰিলে প্ৰায় ২০ কেজি গাঞ্জা । এই গাঞ্জাখিনি সৰবৰাহ কৰিছিল তিনিগৰাকীকৈ মহিলাই ৷ তেওঁলোকৰ লগত পাঁচটি শিশুও আছিল বুলি জানিব পৰা গৈছে ।

ত্ৰিপুৰাৰ আগৰতলাৰ পৰা এই গাঞ্জাখিনি বিহাৰলৈ লৈ যোৱাৰ সময়ত নিউ বঙাইগাঁও ৰে’লৱে ষ্টেচনত নিউ বঙাইগাঁও জি আৰ পিৰ ভাৰপ্ৰাপ্ত আৰক্ষী বিষয়া সঞ্জীৱ চৌধুৰীৰ নেতৃত্বত চলোৱা অভিযানত জব্দ কৰা হয় গাঞ্জাখিনি ৷ আটকাধীন মহিলা তিনিগৰাকীৰ ঘৰ বিহাৰত বুলি জানিব পৰা গৈছে । ইতিমধ্যে ঘটনা সন্দৰ্ভত তদন্ত আৰম্ভ কৰিছে নিউ বঙাইগাঁও জি আৰ পিয়ে ।

লগতে পঢ়ক : Drugs Paddler Detained : বঙাইগাঁৱৰ শালবাগানত ড্ৰাগছসহ আটক সৰবৰাহকাৰী