Bhupen Borah slams CM: গৃহ বিভাগৰ দায়িত্ব পালনত চুড়ান্তভাৱে ব্যৰ্থ হৈছে মুখ্যমন্ত্ৰী: ভূপেন বৰা

ৰাজ্যৰ শেহতীয়া আইন শৃংখলা পৰিস্থিতিক লৈ ডিব্ৰুগড়ত উদ্বেগ প্ৰকাশ অসম প্ৰদেশ কংগ্ৰেছ সভাপতি ভূপেন বৰাৰ(Assam Pradesh Congress President Bhupen Bora) । গুৱাহাটীত ধাৰাবাহিক ভাৱে হত্যাকাণ্ড সংঘটিত হৈছে, মুখ্যমন্ত্ৰীৰ চৰকাৰী বাসভৱনৰ কাষৰ পৰাই মহিলা ডিঙিৰ চেইন টানি লৈ গৈছে, লক্ষীমপুৰত বেংকৰ পৰা ধন উলিওৱাৰ পাছতেই ডকাইতে লৈ গৈছে সেই ধন ৷ লগতে অসম-মেঘালয় আৰু অসম- অৰুণাচল প্ৰদেশ সীমান্তত যি সংঘাত হৈছে ইয়েই প্ৰমাণ কৰিছে ৰাজ্যত আইন শৃংখলা বুলিবলৈ একো নাই - এইদৰে কলে বৰাই(Bhupen Borah slams CM of Assam) । লগতে মুখ্যমন্ত্ৰীৰ গৃহ বিভাগ চলাব পৰা জ্ঞান আৰু দুৰদৰ্শীতা নাই বুলি কটাক্ষ কৰে সভাপতিগৰাকীয়ে ।