জোনাইৰ জেলেমত অচিন ৰোগত আক্ৰান্ত হৈ পশুধনৰ মৃত্যু

বিগত কেইদিনমান ধৰি ধেমাজি জিলাৰ কেমি জেলম গাঁও পঞ্চায়তৰ অন্তৰ্গত পুৰণা জেলেমত অচিন ৰোগত আক্ৰান্ত হৈ মৃত্যুৰ মুখত পৰিছে বহু পশুধন(Livestock dies of unknown disease) ৷ কিন্তু এই অচিন বেমাৰবিধৰ বিষয়ে জ্ঞাত নহয় স্থানীয় পশু-পালকসকল ৷ যাৰ ফলত যথেষ্ট লোকচানৰ সন্মূখীন হৈছে পশু-পালকসকল ৷ স্থানীয় পশুপালকে জনোৱা অনুসৰি বিগত কেইবাদিনধৰি কোনো ৰোগৰ লক্ষণ দেখা নিদিয়াকৈ দিনৰ ভাগত ঘাঁহ খাই আহি সন্ধিয়াৰ ভাগত পেট ফোলা , নাকৰ পৰা তেজ ওলোৱা, উশাহ নিশাহত কষ্ট হোৱাৰ পিছতে গাঁওখনত প্ৰায় ৩২ টাতকৈও অধিক পশুৰ মৃত্যু হৈছে ৷