এই পৰম্পৰাগত মোদকেৰে নৈব্যেদ্য আগবঢ়াওক সিদ্ধিদাতাৰ চৰণত

যেতিয়া ভগৱান গণেশৰ কথা আহি পৰে তেতিয়া আপোনাৰ মনত নাৰিকল আৰু আৰু গুৰৰ সংমিশ্ৰণেৰে ভৰা শংখ আকৃতিৰ মিঠাই, মোদকৰ বাহিৰে আন কোনো মিঠাইৰ চিন্তা হয়তো নাহে ৷ সেই পৰম্পৰাগত আৰু খাটি মহাৰাষ্ট্ৰীয় ভাপত দিয়া মিঠাইৰ ব্যঞ্জন ভগৱান গণেশক গনেশ চতুৰ্থীত নৈব্যেদ্য বা প্ৰসাদৰূপে আগবঢ়োৱা হয় ৷ এই বিশেষ মিঠাৰ ব্যঞ্জন তেওঁৰ বাবে দৰ্শোৱা এক শ্ৰদ্ধা ৷ যাৰ বাবে ভগৱান গণেশক মোদকপ্ৰিয় নাম প্ৰদান কৰা হৈছে ৷ পৰম্পৰাগত মোদক ব্যঞ্জনৰ বাহিৰৰ আৱৰণ পিঠাগুৰিৰে প্ৰস্তুত কৰা হয় নাৰিকল আৰু গুৰৰ সংমিশ্ৰণেৰে ভৰাই ৷ তাৰ পাচত ভাপত দি সেই মিঠাই ভগৱানৰ আগত উচৰ্গা কৰিব পৰাকৈ প্ৰস্তুত কৰি তোলা হয় ৷ মাৰাঠী সকলৰ মাজত এই মোদকক উকাড়িছে মোদক নামেৰে জনা যায় ৷ উকাড়িছেৰ অৰ্থ হৈছে ভাপত দিয়া বা সিজোৱা ৷ যদি আপুনি মোদক বনোৱাৰ ক্ষেত্ৰত সময় বচাব বিচাৰে তেন্তে আপুনি বজাৰ বা ই-কমাৰ্চ প্লেটফৰ্ম সমূহত উপলব্ধ চচপেন সমূহ ব্যৱহাৰ কৰিব পাৰে ৷ তথাপিও নিজ হাতেৰে প্ৰস্তুত কৰা মোদকে আপোনাৰ সৃজনীশীলতা প্ৰদৰ্শনৰ এক সুযোগ প্ৰদান কৰিব ৷