অসম গ্ৰামীণ বিকাশ বেংকৰ গ্ৰাহক সেৱা কেন্দ্ৰৰ বাবে হায়ৰাণ ৰাইজ

অসম গ্ৰামীণ বিকাশ বেংকৰ বাবে হাৰাশাস্তি ভূগিছে নগাঁৱৰ কলিয়াবৰৰ ৰাইজে (People of Kaliabor have suffered harassment for AGVB)। লিংক নথকাৰ অজুহাতেৰে দীৰ্ঘদিন ধৰি গ্ৰাহকৰ বিত্তীয় লেন-দেন বন্ধ ৰাখিছে কলিয়াবৰৰ কুঠৰীৰ অসম গ্ৰামীণ বিকাংশ বেংকৰ গ্ৰাহক সেৱা কেন্দ্ৰই । যাৰ বাবে গ্ৰাহকসকল যথেষ্ট অসুবিধাৰ সন্মুখীন হৈছে । লক্ষণীয়ভাৱে বৃহত্তৰ কুঠৰী অঞ্চলত বৰ্তমানেও নাই এটা বেংক (Poor bank service in Kaliabor)। যাৰ ফলত কুঠৰীৰ পৰা প্ৰায় ৩০ কিলোমিটাৰ বাট জখলাবন্ধালৈ আহিব লগা হয় গ্ৰাহকসকল । আনহাতে কুঠৰীত থকা একমাত্ৰ গ্ৰামীণ বিকাশ বেংকৰ গ্ৰাহক সেৱা কেন্দ্ৰটোৰো লিংক নথকাত এতিয়া বিপদৰ সন্মুখীন হৈছে অঞ্চলটোৰ ৰাইজ ।