বছৰটোৰ ভিতৰত এনে বহু দিন থাকে যি কাৰোবাৰ নহয় কাৰোবাৰ বাবে বিশেষ হয় ৷ তেনে এটা দিন প্ৰতি বছৰে শিশুৰ বাবে শিশু দিৱস হিচাপে পালন কৰা হয় ৷ প্ৰতি বছৰে ১৪ নৱেম্বৰত দেশৰ প্ৰথম প্ৰধানমন্ত্ৰী পণ্ডিত জৱাহৰলাল নেহৰুৰ জন্মদিন উপলক্ষে সমগ্ৰ দেশতে শিশু দিৱস হিচাপে পালন কৰা হয় ৷ এই দিৱসটো সম্পূৰ্ণৰূপে শিশুৰ উদযাপনৰ বাবে উৎসৰ্গিত ৷ এই উপলক্ষে সমগ্ৰ দেশৰ শিশুসকলৰ বাবে বিভিন্ন কাৰ্যসূচীৰ আয়োজন কৰা হয় ৷
তেওঁলোকৰ বাবে বিদ্যালয় আদিত বহুতো অনুষ্ঠানৰ আয়োজন কৰা হয় ৷ ইয়াৰ উপৰিও ঘৰত উপস্থিত থকা আপোনাৰ ল’ৰা-ছোৱালীৰ বাবে বিশেষ কিবা এটা কৰিও এই দিনটোক বিশেষ কৰি তুলিব পাৰে ৷ এই দিনটোত তেওঁলোকক ফুৰাবলৈ লৈ যাব পাৰে, তেওঁলোকৰ বাবে নতুন খেলনা আনিব পাৰে বা ঘৰতে শিশুৰ বাবে সৰু পাৰ্টিৰ ব্যৱস্থা কৰিব পাৰে ৷ যদি আপুনিও এই উপলক্ষে শিশুসকলৰ বাবে পাৰ্টিৰ আয়োজন কৰাৰ কথা ভাবিছে, তেন্তে শিশুৰ বাবে এই সহজ কিন্তু স্বাস্থ্যকৰ আৰু সোৱাদযুক্ত খাদ্য ঘৰতে প্ৰস্তুত কৰিব পাৰে ৷
চীজি বাজৰা নুডলছ
সামগ্ৰী
- বাজৰা(millet) নুডলছ- ১ পেকেট
- পানী- ২ কাপ
- চেডাৰ চীজ- ১/২ কাপ
- মজৰেলা চীজ- ১/২ কাপ
- গাখীৰ- ১/৪ কাপ
- মাখন- ২ চামুচ
- নহৰুৰ গুড়ি- ১/৪ চামুচ (বিকল্প অনুসৰি)
- ৰুচি অনুসৰি নিমখ আৰু জলকীয়া (বিকল্প অনুসৰি)
তৈয়াৰৰ পদ্ধতি
- প্ৰথমে এটা পাত্ৰত ২ কাপ পানী লৈ তাত নুডলছ দি উতলাই লওক ৷
- কোমল হোৱালৈকে সিজাই লওক, তাৰ পিছত চেকি কাষতে ৰাখিব ৷
- এতিয়া একেটা পাত্ৰতে মধ্যমীয়া জুইত গলাই লোৱা মাখন তাৰ পিছত হালধিৰ গুড়ি দি কিছু সময় ভাজিব ৷
- ইয়াৰ পিছত তাত গাখীৰ দি কম জুইত সিজিবলৈ দিব ৷
- তাৰ পিছত জুই কমাই লাহে লাহে গাখীৰত চেডাৰ আৰু মজাৰেলা চীজ দি সম্পূৰ্ণ গলি যোৱালৈকে লৰাই থাকিব ৷
- এতিয়া এই গলি যোৱা চীজত সিজাই লোৱা বাজৰাৰ নুডলছ দি ভালদৰে মিহলাই লওক ৷
- শেষত ইয়াত নিমখ আৰু জালুক দি ইয়াৰ সোৱাদ আৰু বৃদ্ধি কৰিব পাৰে ৷
উত্তপম পিজ্জা
সামগ্ৰী
- ইডলি ডোছা বেটাৰ – ২ কাপ
- অলিভ অইল- ২-৩ চামুচ
- পিয়াঁজ- ১ সৰু
- মিঠা মাকৈ- ২ চামুচ
- কেপচিকাম- ১
- বিলাহী- ১/২
- ৰুচি অনুসৰি নিমখ
- জালুক- ১/২ চামুচ
- ৰুচি অনুসৰি চিলি ফ্লেকছ
- ৰুচি অনুসৰি অৰেগানো
- পিজ্জা চচ- ১ কাপ
- পিজ্জা চীজ – ১ কাপ
তৈয়াৰ কৰাৰ পদ্ধতি
- প্ৰথমে এচামুচ অলিভ অইল গৰম কৰি লওক ৷ তাৰ পিছত পিয়াঁজ দি কিছু সময় ভাজি তাৰ পিছত কাটি ৰখা পাচলিখিনি দিব ৷
- এতিয়া জুইত ২ মিনিট ভাজি তাৰ পিছত নিমখ, জালুক, অৰেগানো আৰু চিলি ফ্লেকছ দি মিহলাই লওক ৷
- ইয়াৰ পিছত একেখন কেৰাহীতে ইডলি ডোছা বেটাৰ ঢালি উত্তাপমৰ দৰে ডাঠকৈ গোলকৈ মেলি লওক ৷
- তাৰ পিছত ঢাকি ২ মিনিট ৰান্ধিব আৰু তাৰ পিছত জুইৰ বন্ধ কৰি দিব ৷
- এতিয়া ইয়াক ওলোটাকৈ পিজ্জা চচ, চীজ, শাক-পাচলি, অৰেগানো আৰু চিলি ফ্লেকছ দি ৰান্ধিব ৷
- ইয়াৰ পিছত তাত অলপ অলিভ অইল বিস্তাৰ কৰি ঢাকি কম জুইত ২ মিনিট ৰান্ধিব ৷
- ২ মিনিটৰ পিছত পৰীক্ষা কৰি কেৰাহীত থৈ দিব যাতে ভালদৰে সিজি যায় ৷
- শেষত ঢাকি আৰু ২ মিনিট ৰান্ধিব ৷ তাৰ পিছত গৰমে গৰমে পৰিবেশন কৰক ৷
চকো আলমণ্ড মাফিন
সামগ্ৰী
- ক’ক’ পাউদাৰ- ৪ চামুচ
- মোটাকৈ পিহি লোৱা আটা – ২ চামুচ
- আলমণ্ড- ১০-১২ (কটা)
- কণী- ৪
- চেনি- ১ কাপ
- আটা- ৩ চামুচ
- গলি যোৱা মাখন- ৪ চামুচ
তৈয়াৰ কৰাৰ পদ্ধতি
- প্ৰথমে অভেনটো ১৮০ ডিগ্ৰী চেলছিয়াছত আগতে গৰম কৰক ৷ তাৰ পিছত এটা বাটিত কণী ভাঙি ল’ব ৷
- এতিয়া তাত চেনি দি হেণ্ড ব্লেণ্ডাৰেৰে ফেন ওলোৱালৈকে মিহলাই লওক ৷
- তাৰ পিছত এটা বাটিত আটা আৰু ক’ক’ পাউদাৰ চেকি লৈ তাত কটা আলমণ্ড দি মিহলাই লওক ৷
- এতিয়া লাহে লাহে এই আটাৰ মিশ্ৰণটো কণীত দিব আৰু এই সময়ছোৱাত ব্লেণ্ডাৰৰ লগত অবিৰতভাৱে মিহলাই থাকিব ৷
- তাৰ পিছত তাত গলাই লোৱা মাখন দি ভালদৰে মিহলাই লওক ৷
- ইয়াৰ পিছত মাফিন ম’ল্ডত বেটাৰটো আধা ভৰ্তি হোৱালৈকে ঢালি দিব ৷
- তাৰ পিছত ওপৰত কটা আলমণ্ড ছটিয়াই পূৰ্বতে গৰম কৰা অভেনত 20 পৰা 25 মিনিট বেক কৰক ৷ আপোনাৰ মাফিন খাবলৈ সাজু হৈছে ৷
লগতে পঢ়ক: Bhai Dooj 2023: কিয় পালন কৰা হয় ভাইদুজ উৎসৱ ? এই দিনটোৰ তাৎপৰ্য, শুভ মহুৰত জানো আহক
