কোনো কোনো দিন বৰষুণ হয় আৰু কোনো কোনো দিন ৰ'দ দিয়ে । সলনি হৈ থকা বতৰৰ ফলত আমাৰ মাজত দেখা দিয়ে বিভিন্ন ৰোগে ৷ ইয়াৰ বাবে প্ৰয়োজন শৰীৰৰ সঠিক যত্নৰ ৷ এই সমছোৱাত অধিকাংশ লোকৰেই ডিঙিৰ বিষ হয় । ইয়াৰ বাবে প্ৰতি ৩ জনৰ ভিতৰত ২ জন লোক অসুস্থ হয় । এই পৰিৱৰ্তিত বতৰত ভাইৰাছৰ সংক্ৰমণৰ সম্ভাৱনা বৃদ্ধি পায় আৰু লগতে আমাৰ ৰোগ প্ৰতিৰোধ ক্ষমতাও দুৰ্বল হৈ পৰে । সেইবাবেই আমি আপোনালোকৰ বাবে এনে কিছুমান আয়ুৰ্বেদিক ঔষধ লৈ আহিছো, যাক ব্যৱহাৰ কৰিলে আপুনি ঘৰতে আপোনাৰ ডিঙি ভাল কৰাৰ লগতে ৰোগ প্ৰতিৰোধ ক্ষমতাও শক্তিশালী কৰিব পাৰিব । জানো আহক এই ঔষধসমূহৰ বিষয়ে ৷
গৰম পানীৰে কুলকুল কৰক: গৰম পানীৰে কুলকুল কৰিলে ডিঙি পৰিষ্কাৰ হয়, তাত অলপ নিমখো দিব পাৰে, ই ডিঙিত সকাহ দিব আৰু ডিঙি ফুলাও নিৰাময় কৰিব, দিনটোত ২ বাৰ কৰক ।
ত্ৰিফলা চূৰ্ণ- ত্ৰিফলা চূৰ্ণই ডিঙিৰ বিষ দূৰ কৰাৰ লগতে প্ৰদাহ কম কৰে, দিনে দুবাৰকৈ গৰম পানীৰ লগত খালে আপুনি ডিঙিৰ বিষৰ পৰা পৰিত্ৰাণ লাভ কৰিব ।
মৌ আৰু আদা- মৌ আৰু আদাৰ উপকাৰ অনেক উপকাৰিতা আছে, দিনে দুবাৰকৈ গৰম পানীৰ সৈতে ইয়াক সেৱন কৰিলে আপুনি বিভিন্ন ৰোগৰ পৰা পৰিত্ৰাণ পাব পাৰিব । আদাৰ সোৱাদে ডিঙিৰ বিষ কমোৱাত সহায় কৰে । আদা খালে আপোনাৰ ডিঙিত জমা হৈ থকা কফবোৰ বাহিৰ হোৱাত সহায় কৰিব ৷
তুলসী চাহ- তুলসী পাতে ডিঙিৰ বিষ কমোৱাৰ লগতে প্ৰদাহ দমন কৰাত সহায় কৰিব পাৰে ।
আলমণ্ড অইল- আলমণ্ড অইলেৰে ডিঙিত নিতৌ লাহে লাহে মালিচ কৰিব লাগে । ডিঙিৰ বিষ কমোৱাত ই অতি উপযোগী ।
হালধি মিহলি গাখীৰ- হালধি মিহলি গাখীৰ খালে ডিঙি ফুলা আৰু কফ কমাৰ লগতে ৰোগ প্ৰতিৰোধ ক্ষমতা বৃদ্ধি পায় ৷
মুলেঠীৰ বাকলি- মুলেঠীৰ বাকলি পিহি তাৰ গুড়ি গৰম পানীত মিহলাই গাৰ্গল কৰিলে ডিঙিৰ বিষত উপশম পোৱা যায় ।
লগতে পঢ়ক: Teeth care: দাঁতৰ শিৰশিৰনিৰ পৰা ৰক্ষা পোৱাৰ উপায় কি ? জনালে দন্ত চিকিৎসক ডাঃ দিলীপ সেথিয়াই
