দৈনন্দিন জীৱনত আমাৰ কিছুমান এনে অভ্যাস থাকে যি অভ্যাসে আমাৰ স্বাস্থ্যত বিৰূপ প্ৰভাৱ পেলাব পাৰে ৷ তেনেই এটি অভ্যাস হৈছে খাদ্য খোৱাৰ লগে লগে পানী গ্ৰহণ কৰা ৷
কিছুমান মানুহৰ এনেকুৱা অভ্যাস থাকে যে পানী নোখোৱাকৈ তেওঁলোকৰ আহাৰ গ্ৰহণ সম্পূৰ্ণ নহয় ৷ অৱশ্যে, যেতিয়াই আমি খাদ্য গ্ৰহণ কৰো তেতিয়াই এগিলাচ পানী লৈ বহিব লাগে, যাতে ডিঙিত কিবা লাগি ধৰিলেও আমি লগে লগে পানী খাই আমি তাৰ পৰা সকাহ পাব পাৰো ৷
কিন্তু আপোনালোকক জনাই দিও যে, বহুতে খাদ্য খোৱাৰ লগে লগে অত্যধিক পানী গ্ৰহণ কৰে, যিটো স্বাস্থ্যৰ বাবে একেবাৰেই উপকাৰী নহয় ৷ স্বাস্থ্য বিশেষজ্ঞৰ মতে, খাদ্য খোৱাৰ এঘণ্টা পিছত আমি পানী খাব লাগে, খাদ্য খোৱাৰ সময়ত বা খোৱাৰ লগে লগে অত্যধিক পানী খালে স্বাস্থ্যৰ বহু সমস্যাৰ সৃষ্টি হ’ব পাৰে ৷ তেন্তে পলম নকৰাকৈ জানো আহক কোনবোৰ খাদ্য খোৱাৰ পিছত আমি অধিক পৰিমাণে পানী খোৱাৰ পৰা বিৰত থাকিব লাগে ৷
- মছলাযুক্ত খাদ্য
মানুহে প্ৰায়ে অতি মছলাযুক্ত খাদ্য খোৱাৰ ঠিক পিছতেই অত্যধিক পানী গ্ৰহণ কৰে, ইয়াৰ ফলত আপোনাৰ স্বাস্থ্যৰ যথেষ্ট ক্ষতি হ’ব পাৰে ৷ মছলাযুক্ত খাদ্য খোৱাৰ পিছত পানী খালে মুখত জ্বলা-পোৰা অনুভৱ কৰিব পাৰে ৷ ইয়াৰ উপৰিও আপোনাৰ পেট ফুলাৰ দৰে সমস্যাৰ সৃষ্টি হ’ব পাৰে ৷
- তেলীয়া খাদ্য
তেলীয়া খাদ্য খোৱাৰ লগে লগে আমি পানী খোৱাৰ পৰা বিৰত থাকিব লাগে ৷ ইয়াৰ ফলত পেটত গধুৰতা আৰু ফুলাৰ সমস্যা হ’ব পাৰে ৷ খাদ্য খোৱাৰ মাত্ৰ ৩০ মিনিট পিছত পানী খালে স্বাস্থ্যৰ বাবেও খুব উপকাৰী ৷
- কাৰ্বনেটেড পানীয়
কিছুমান মানুহে খাদ্য খোৱাৰ ঠিক পিছতেই কাৰ্বনেটেড পানী বা চ’ডা খাবলৈ ভাল পায়, কিন্তু ইয়াৰ ফলত কিছুমান মানুহৰ পেট ফুলা আৰু গেছৰ সমস্যা হ’ব পাৰে ৷ ইয়াৰ ফলত বদহজমো হ’ব পাৰে ৷
- গধুৰ খাদ্য
যেতিয়াই আপুনি খাদ্য গ্ৰহণ কৰে, তাৰ লগে লগে যথেষ্ট পানী গ্ৰহণ কৰে, ইয়াৰ ফলত আপোনাৰ পেটৰ গধুৰতা আৰু অধিক বৃদ্ধি পাব পাৰে ৷ খাদ্য খোৱাৰ লগে লগে প্ৰচুৰ পৰিমাণে পানী খোৱাৰ পৰা বিৰত থাকিব লাগে ৷
- টেঙা ফল
টেঙা ফল অৰ্থাৎ কমলা, আঙুৰ আৰু নেমু আদিত প্ৰচুৰ পৰিমাণে ভিটামিন চি থাকে, ই অতি ৰসাল আৰু ইয়াত প্ৰচুৰ পৰিমাণে পানী থাকে ৷ এই ফলবোৰ খোৱাৰ লগে লগে অত্যধিক পৰিমাণৰ পানী খালে পাচনতন্ত্ৰৰ সমস্যাৰ সৃষ্টি হ’ব পাৰে ৷
- দৈ
হজমৰ বাবে দৈ অতি উপকাৰী বুলি গণ্য কৰা হয় ৷ ইয়াত প্ৰচুৰ পৰিমাণে প্ৰ’বায়’টিক থাকে ৷ পানী খোৱাৰ লগে লগে পানী খালে প্ৰ’বায়’টিক নাশ হ’ব পাৰে ৷
- ভাত
ভাত খোৱাৰ ঠিক পিছতেই অধিক পৰিমাণে পানী খোৱাটো হজম শক্তিৰ বাবে ক্ষতিকাৰক হ’ব পাৰে ৷ যদিও ভাত খোৱাৰ আগতে এগিলাচ পানী খালে একো নহয়, ভাত খোৱাৰ ঠিক পিছতেই অতিৰিক্ত পানী খোৱাৰ পৰা বিৰত থাকিব লাগে ৷ ভাত খোৱাৰ আধা বা এঘণ্টা পিছতহে পানী খালে হজম হোৱাত সহায় হয় আৰু পেটত গধুৰতা অনুভৱ নহয় ৷
লগতে পঢ়ক: সিজোৱা কণী নে অমলেট কোনবিধ স্বাস্থ্যৰ বাবে অধিক উপকাৰী ?
