দুৰাৰোগ্য ৰোগত আক্ৰান্ত শিৱানীলৈ সহায়ৰ হাত শদিয়াৰ বিধায়কৰ

বিগত কিছুদিনৰ পৰা ইটিভি ভাৰতে ধাৰাবাহিকভাৱে প্ৰচাৰ কৰি আহিছিল দুৰোৰোগ্য ৰোগত আক্ৰান্ত শিৱানীৰ বাতৰি ৷ শেহতীয়াকৈ শদিয়াৰ বিধায়ক বলীন চেতিয়া আগবাঢ়ি আহে শিৱানীক সহায়ৰ অৰ্থে ৷ বৰ্তমান 10,000 টকা প্ৰদান কৰাৰ লগতে চিকিৎসাৰ সম্পূৰ্ণ দায়িত্ব গ্ৰহণ কৰিছে বিধায়ক গৰাকীয়ে ৷

শদিয়া,5 ফেব্ৰুৱাৰীঃ দুৰাৰোগ্য ৰোগত আক্ৰান্ত হৈ থকা ডুমডুমাৰ শিৱানী চেতিয়াক সহায় কৰিবলৈ আগবাঢ়ি আহিছে শদিয়াৰ বিধায়ক বলীন চেতিয়া ৷ বিগত দুটা বছৰে ৰোগাক্ৰান্ত হৈ থকা শিৱানী চেতিয়াৰ ঘৰত বুধবাৰে উপস্থিত হয় বিধায়ক বলীন চেতিয়া ৷ বিগত কিছুদিনৰ পৰা ইটিভি ভাৰতে ধাৰাবাহিকভাৱে প্ৰচাৰ কৰি আহিছিল দুৰোৰোগ্য ৰোগত আক্ৰান্ত শিৱানীৰ বাতৰি ৷

ইফালে ডিৰাক আঞ্চলিক মৰাণ ছাত্ৰ সন্থা সভাপতিয়ে বিধায়ক বলীন চেতিয়াক শিৱানীৰ দুৰৱস্থাৰ বিষয়ে অৱগত কৰাত সহায় কৰিবলৈ আগবাঢ়ি আহিল বলীন চেতিয়া ৷ বৰ্তমান 10,000 টকা প্ৰদান কৰাৰ লগতে চিকিৎসাৰ সম্পূৰ্ণ দায়িত্ব লৈছোঁ বুলি প্ৰতিশ্ৰুতি দিয়ে বিধায়কগৰাকীয়ে ৷

অধিক তথ্যৰ বাবে পঢ়কঃ অৰ্থৰ অভাৱত চিকিৎসাৰ পৰা বঞ্চিত ডুমডুমাৰ শিৱানী !