তিনিচুকীয়া, 9 অক্টোবৰ: ৰাজ্যত পুনৰ সংঘটিত হৈছে এনকাউন্টাৰৰ ঘটনা (Encounter in Assam)। দেওবাৰে তিনিচুকীয়া জিলাৰ কাকপথাৰ টঙনা আৰক্ষীৰ এনকাউণ্টাৰত নিহত হয় এটা ড্ৰাগছ সৰবৰাহকাৰী (Encounter in Tinsukia) ।
কাকপথাৰ চেঙাপথাৰৰ মাধুৰ্য গোহাঁই নামৰ ব্যক্তিজনৰ বাসগৃহত সংঘটিত হয় এই ঘটনা । আৰক্ষীৰ গুলীত নিহত হয় কাকপথাৰ ওবন গাঁৱৰ বিনোদ মৰাণ নামৰ ড্ৰাগছ সৰবৰাহকাৰীটো । আনহাতে ড্ৰাগছ সৰবৰাহকাৰীটো আশ্ৰয় লৈ থকা ঘৰটোৰ গৰাকী মাধুৰ্য গোহাঁই নামৰ ব্যক্তিগৰাকীৰ লগতে আন ৪ জনক আৰক্ষীয়ে আটক কৰা বুলি জানিব পৰা গৈছে (Drugs peddling in Tinsukia)।
এনকউণ্টাৰৰ পাছতে ঘটনাস্থলীৰ পৰা বৃহৎ পৰিমাণৰ ড্ৰাগছসহ কিছু সামগ্ৰী জব্দ কৰিবলৈ সক্ষম হয় আৰক্ষীয়ে । আৰক্ষীৰ গুলীত নিহত বিনোদ মৰাণৰ মৃতদেহ তিনিচুকীয়া অসামৰিক চিকিৎসালয়লৈ(Tinsukia Civil Hospital) প্ৰেৰণ কৰা হয় ।
লগতে পঢ়ক: ক্ৰাইম ব্ৰাঞ্চৰ বিষয়া বুলি দুৰ্বৃত্তই লুটিলে প্ৰায় ৬০-৭০ হাজাৰ টকা
