হিমন্ত বিশ্ব শৰ্মাৰ নামেৰে নামাংকৃত এটি শিশু

শোণিতপুৰৰ ৰঙাপাৰাত এটি সদ্য নৱজাত শিশুক লৈ ব্যাপক চৰ্চা ৷ স্বাস্থ্যমন্ত্ৰী ড০ হিমন্ত বিশ্ব শৰ্মা উক্ত স্বাস্থ্য কেন্দ্ৰটোত উপস্থিত থকা বাবে শিশুটিৰ নাম হিমন্ত তাঁতী ৰখাক লৈ চৰ্চা ৷

ৰঙাপৰা, 13 অক্টোবৰঃ শোণিতপুৰৰ ৰঙাপাৰাত এটি সদ্য নৱজাত শিশুক লৈ ব্যাপক চৰ্চা ৷ 10 অক্টোবৰৰ দিনা ৰঙাপৰাৰ নাহৰনী চাহ বাগিচাৰ নিৱাসী সঞ্জয় তাঁতীৰ পত্নী দৈমতী তাঁতীয়ে নাহৰনী চাহ বাগিচাৰ স্বাস্থ্য কেন্দ্ৰত পুত্ৰ সন্তান এটি জন্ম দিয়া ঘটনাই সমগ্ৰ অঞ্চলজুৰি লাভ কৰিছে ব্যাপক চৰ্চা ৷ কিয়নো সেই সময়ত স্বাস্থ্যমন্ত্ৰী ড০ হিমন্ত বিশ্ব শৰ্মা উক্ত স্বাস্থ্য কেন্দ্ৰটোত উপস্থিত আছিল ৷ স্বাস্থ্যমন্ত্ৰীজন শিশুটিৰ জন্মৰ সময়ত উপস্থিত থকা বাবে শিশুটিৰ পিতৃ-মাতৃয়ে তাৰ নাম হিমন্ত তাঁতী ৰখা বুলি মন্ত্ৰীজনক অৱগত কৰিলে ৷ উল্লেখ্য যে শিশুটিৰ জন্মৰ সময়ত কৰা কান্দোন শুনি স্বাস্থ্য আৰু বিত্তমন্ত্ৰী ড০ হিমন্ত বিশ্ব শৰ্মা থমকি ৰৈছিল, এই ঘটনাই সম্প্ৰতি চৰ্চাৰ বিষয় হৈ পৰিছে ৰঙাপাৰা অঞ্চলত ৷