নলবাৰী, 11 ডিচেম্বৰ : উত্তৰ-পূৰ্বাঞ্চল ছাত্ৰ সংগঠন চমুকৈ নেছ'ৰ আহ্বানত শনিবাৰে সমগ্ৰ অসমত কা' প্ৰত্যাহাৰৰ দাবীত সদৌ অসম ছাত্ৰ সন্থাই ক'লা দিৱস পালন কৰে(AASU observed black day against CAA) ৷ সেই অনুসৰি, সদৌ নলবাৰী জিলা ছাত্ৰ সন্থাই নলবাৰী চহৰত ক'লা পতাকা উৰুৱাই কা'ৰ প্ৰত্যাহাৰৰ দাবীত সাব্যস্ত কৰে প্ৰতিবাদ( Nalbari AASU protest against CAA) ৷
উল্লেখ্য যে, নলবাৰী জিলা ছাত্ৰ সন্থাৰ সভাপতি গুণজ্যোতি পাঠক আৰু সাধাৰণ সম্পাদক অক্ষয় ডেকাৰ নেতৃত্বত নাগৰিকত্ব সংশোধনী আইন 2019 প্ৰত্যাহাৰৰ দাবীত ৰূপায়ন কৰা হয় এই প্ৰতিবাদী কাৰ্যসূচী ৷ উক্ত প্ৰতিবাদী কাৰ্যসূচীত সদৌ অসম ছাত্ৰ সন্থাৰ শিক্ষা সম্পাদক ভৱজিৎ বেজবৰুৱা, আছুৰ কেন্দ্ৰীয় কাৰ্যনিৰ্বাহক সদস্য ৰিয়াজউদ্দিন আহমেদ, সদৌ নলবাৰী জিলা ছাত্ৰ সন্থাৰ উপ-সভাপতি উৎপল কলিতা, সহকাৰী সম্পাদক নিৰুজউদ্দিন আহমেদ লগতে গৌতম বেজবৰুৱা আদি উপস্থিত থাকে ৷
উল্লেখ্য যে, প্ৰতিবাদকাৰীসকলে অসম চৰকাৰ হায় হায়, কেন্দ্ৰীয় চৰকাৰ হায় হায়, কা' বাতিল কৰিব লাগিব আদি শ্ল'গানেৰে উত্তাল প্ৰতিবাদী সাব্যস্ত কৰে ৷
কা' প্ৰত্যাহাৰৰ দাবীত টিংখাঙত অজাপৰ অৱস্থান ধৰ্মঘট
মৰাণ : নাগৰিকত্ব সংশোধনী বিধেয়ক 2019 প্ৰত্যাহাৰৰ দাবীত টিংখাঙৰ ৰাজগড়ত ক'লা দিৱস পালনেৰে দুঘণ্টীয়া অৱস্থান ধৰ্মঘট কাৰ্যসূচী ৰূপায়ন কৰে অসম জাতীয় পৰিষদে ৷ অসম জাতীয় পৰিষদ টিংখং সমষ্টিৰ সমিতিৰ উদ্যোগত ৰাজগড়ৰ শ্বহীদ বেদীৰ সমীপতে অৱস্থান ধৰ্মঘট কাৰ্যসূচী পালন কৰি প্ৰতিবাদ সাব্যস্ত কৰে(AJP Protets Against CAA) ।
প্ৰাক্তন বিধায়ক তথা অসম জাতীয় পৰিষদৰ নেতা অনুপ ফুকন, সুভাকৰণ গোহাঞি সহ দলীয় কমৰ্কতা সকলে অংশগ্ৰহণ কৰি এই প্ৰতিবাদী কাৰ্যসূচীত ৷ নাগৰিকত্ব সংশোধনী আইন বাতিল কৰক, নৰেন্দ্ৰ মোডী গ' বেক, বিজেপি চৰকাৰ হায় হায় আদি শ্ল'গানেৰে প্ৰতিবাদস্থলী উত্তাল কৰি তোলে জাতীয় পৰিষদৰ কৰ্মী সকলে ৷
লগতে পঢ়ক: Anti CAA movement: কা' প্ৰত্যাহাৰৰ দাবীত উত্তৰ-পূৱে পালন কৰিলে ক'লা দিৱস
