নগাঁও, 4 ডিচেম্বৰ: নগাঁৱৰ ননৈ শ’লমাৰী অঞ্চলত নিশা বনৰীয়া হাতীৰ বৃহৎ জাক এটাই উপদ্ৰৱ চলায় (Wild elephant roaming freely) ৷ 200 টাৰো অধিক বনৰীয়া হাতীৰ জাকটোৱে খেতি পথাৰ সমূহৰ বিস্তৰ ক্ষতি সাধন কৰে ৷ ধাননি পথাৰৰ লগতে সৰিয়হ খেতিও তহিলং কৰে হাতীৰ জাকটোৱে ৷
উল্লেখযোগ্য যে, কন্দলী বনাঞ্চলৰ পৰা নিশা প্ৰায় 200 টাৰো অধিক বনৰীয়া হাতীয়ে 36 নং ৰাষ্ট্ৰীয় ঘাইপথ পাৰ হৈ ননৈ শ’লমাৰী অঞ্চলত প্ৰৱেশ কৰে ৷ কেইবাটাও পোৱালিৰ সৈতে জাকটোৱে সেই দুটা অঞ্চলত বহু সময় ধৰি উপদ্ৰৱ চলায় ৷
ৰাষ্ট্ৰীয় ঘাই পথেৰে এনেদৰে হাতীৰ জাকটো পাৰ হোৱাত বহু সময় ধৰি আৱদ্ধ হৈ পৰে যান-বাহন সমূহ ৷ নগাঁও সদৰ আৰু কঠিয়াতলি বন বিষয়াৰ কাৰ্যালয়ৰ বনকৰ্মী সকলে হাতী খেদাৰ ক্ষেত্ৰত স্থানীয় ৰাইজক সহযোগিতা আগবঢ়াই যদিও সঘনাই হৈ থকা এই হাতী-মানুহৰ সংঘাত ৰোধ কৰিব পৰা নাই তেওঁলোকে ৷ বনাঞ্চল সমূহ ধ্বংস কৰাৰ কাৰণেই এই হাতী-মানুহৰ সংঘাত বৃদ্ধি পাইছে বুলি গঞা ৰাইজে মত প্ৰকাশ কৰিছে ৷
লগতে চাওক : Wild Elephant Menace in Sivsagar : দিখৌমুখত নেমু খেতিৰে ৰোধিছে বনৰীয়া হাতীৰ উপদ্ৰৱ
