কলিয়াবৰ, 9 নৱেম্বৰ: সমগ্ৰ অসমতে সম্প্ৰতি চৰকাৰী বিদ্যালয় সমূহৰ অধীনৰ মধ্যাহ্ন ভোজন ৰান্ধনী সন্থাৰ প্ৰতিবাদ অব্যাহত আছে ৷ কলিয়াবৰতো বিভিন্ন দাবী উত্থাপন কৰি শনিবাৰে পথ অৱৰোধেৰে প্ৰতিবাদ সাব্যস্ত কৰিলে ৰান্ধনী সন্থাই । এই প্ৰতিবাদত অংশ লয় কলিয়াবৰৰ ৰূপহী শিক্ষাখণ্ড আৰু নগাঁও জিলাৰ মধ্যাহ্ন ভোজন ৰান্ধনী সন্থাই ৷ ইপিনে ঘণ্টাজোৰা প্ৰতিবাদত ব্যাহত হয় 37 নং ৰাষ্ট্ৰীয় ঘাইপথৰ যাতায়ত ব্যৱস্থা ।
প্ৰতিবাদকাৰীসকলৰ দাবী সমুহৰ ভিতৰত ৰান্ধনী-সহায়িকাৰ চাকৰিৰ নিয়মীয়াকৰণ, চতুৰ্থবৰ্গৰ কৰ্মচাৰীৰ মৰ্যদা, মাননি ষোল্লশ টকালৈ বৃদ্ধি, মধ্যাহ্ন ভোজনৰ দায়িত্ব বেচৰকাৰী সংস্থাৰ পৰা আঁতৰোৱা আদিয়েই প্ৰদান। এই কাৰ্যসূচীৰ অন্তত আৰক্ষী আৰু মহকুমা প্ৰশাসনৰ হস্তক্ষেপত প্ৰতিবাদৰ সামৰণি পৰি । ৰান্ধনী সন্থাটোৱে মহকুমা প্ৰশাসনৰ জৰিয়তে চৰকাৰক এক স্মাৰকপত্ৰ প্ৰদান কৰে ।
লগতে চাওকঃ অযোধ্যা ভূমিৰ ৰায়দানৰ পূৰ্বে জৰুৰীভাৱে সম্পন্ন কংগ্ৰেছৰ কাৰ্যনিৰ্বাহক বৈঠক
