নগাঁও, 4 এপ্ৰিল: ধৰ্ষণৰ গোচৰ নিষ্পত্তিৰ নামত ধন দাবীৰ প্ৰসংগ (Nogaon Police constable accused for seeking bribe)। সংবাদ মাধ্যমত বাতৰি সম্প্ৰচাৰ হোৱাৰ পিছতেই ৰিজাৰ্ভ ক্ল'জ আৰক্ষী কনিষ্টবল লস্কৰক । দুৰ্নীতিৰ বিৰুদ্ধে কঠোৰ আৰক্ষী অধীক্ষক লীনা দলে । উপ আৰক্ষী অধীক্ষকক তদন্তৰ দায়িত্ব ।
ই টি ভি ভাৰতকে ধৰি একাংশ সংবাদ মাধ্যমত সম্প্ৰচাৰিত এটা বাতৰিক লৈ তোলপাৰ লাগিছে নগাঁও আৰক্ষীত । এটা ধৰ্ষণৰ গোচৰ নিষ্পত্তি কৰি দিয়াৰ নামত নগাঁৱৰ ইটচালি আৰক্ষী চকীৰ লস্কৰ উপাধিৰ এজন কনিষ্টবলে অভিযুক্তৰ পৰা বিচাৰিছিল ধন । আৰক্ষী কনিষ্টবলগৰাকীয়ে ধন দাবী কৰাৰ অডিঅ’ ভাইৰেল(Nagaon constable viral audio) হোৱাৰ সমান্তৰালকৈ বাতৰি সম্প্ৰচাৰ হৈছিল ই টি ভি ভাৰতকে ধৰি একাংশ সংবাদ মাধ্যমত । পুৱা বাতৰি সম্প্ৰচাৰ হোৱাৰ পিছতেই তৎপৰ হৈ পৰে নগাঁও জিলা আৰক্ষী অধীক্ষক লীনা দলে (Nagaon SP Leena Doley)।
গোচৰ নিষ্পত্তিৰ নামত দুৰ্নীতিৰ আশ্ৰয় লোৱা আৰক্ষীৰ বিৰুদ্ধে তৎকালেই গ্ৰহণ কৰিলে ব্যৱস্থা । দূৰ্নীতিগ্ৰস্ত আৰক্ষী কণিষ্টবল ৰেব লস্কৰক ৰিজাৰ্ভ ক্ল'জ কৰিলে নগাঁও আৰক্ষীয়ে । এই সন্দৰ্ভত সোমবাৰে জিলা আৰক্ষী অধীক্ষকৰ কাৰ্য্যালয়ত সংবাদ মাধ্যমক সম্বোধন কৰে আৰক্ষী অধীক্ষক লীনা দলেই । সংবাদ মাধ্যমৰ সন্মুখত আৰক্ষী অধীক্ষক লীনা দলেৰ মন্তব্য- দুৰ্নীতিত জড়িত হ’লে আৰক্ষীৰ লোককো দিয়া নহয় ৰেহাই । ধর্ষণৰ দৰে গোচৰত ধন দাবী কৰা আৰক্ষী কনিষ্টবল ৰেব লস্কৰৰ বিৰুদ্ধে ব্যৱস্থা গ্ৰহণৰ কথাও উল্লেখ কৰে আৰক্ষী অধীক্ষক লীনা দলেই ।
ইতিমধ্যেই আৰক্ষী কনিষ্টবল ৰেব লস্কৰক ৰিজাৰ্ভ ক্ল'জ কৰি বিষয়টোৰ তদন্ত আৰম্ভ কৰে নগাঁও আৰক্ষীয়ে । ধন দাবী কৰা ঘটনাৰ তদন্ত কৰিবলৈ ইতিমধ্যে উপ-আৰক্ষী অধীক্ষকক দায়িত্ব প্ৰদান কৰিছে আৰক্ষী অধীক্ষক লীনা দলেই ।
ধৰ্ষণৰ গোচৰত ধন দাবী কৰি নগাঁও আৰক্ষীকে নহয় অসম আৰক্ষীকে পুনৰ এবাৰ বদনামী কৰিলে আৰক্ষী কনিষ্টবল ৰেব লস্কৰে ।
লগতে পঢ়ক: নিৰ্লজ্জ ! ধৰ্ষণ আৰু অপহৰণৰ গোচৰ নিষ্পত্তি কৰিবলৈ ধন দাবী নগাঁও আৰক্ষীৰ
