নগাঁও,7আগষ্টঃ শুকুৰবাৰে অনুষ্ঠিত হয় নগাঁও মহাবিদ্যালয়ৰ প্ৰতিষ্ঠা দিৱস। ভাৰতবৰ্ষই স্বাধীনতা লাভ কৰাৰ তিনি বছৰৰ পূৰ্বে স্থাপন হোৱা এই মহাবিদ্যালয়খনে ৭৭ বছৰত ভৰি দিলে। প্ৰতিষ্ঠা দিৱস উপলক্ষে পুৱা পতাকা উত্তোলনেৰে কাৰ্যসূচীৰ শুভাৰম্ভ হয়। প্ৰতিষ্ঠা দিৱসৰ লগত সংগতি ৰাখি লক ডাউনৰ বাবে অসমলৈ উভতি অহা প্ৰব্ৰজিত শ্ৰমিক সকলক স্বাৱলম্বী কৰাৰ লক্ষ্যৰে প্ৰশিক্ষণ দিয়াৰ এক আঁচনি অনলাইন যোগে মুকলি কৰা হয়। এই আঁচনি মুকলি কৰে নগাওঁ সদৰ সমষ্টিৰ বিধায়ক ৰূপক শৰ্মাই । বিধায়ক গৰাকীয়ে মহাবিদ্যালয়খনে প্ৰকাশ কৰা নগাওঁ কলেজৰ ইতিহাস আৰু নিৰ্বাচিত প্ৰবন্ধ সংকলনখন উন্মোচন কৰে।
![Nowgong collage labour training porrgame](https://etvbharatimages.akamaized.net/etvbharat/prod-images/as-ngn-804-7agst-nowgong-collage-visbite-7203829_07082020202720_0708f_1596812240_442.jpg)
ইপিনে অধ্যাপক ড৹ ভূৱন চন্দ্ৰ চুতীয়াই আঁত ধৰা প্ৰতিষ্ঠা দিৱসৰ মুকলি সভাত অংশগ্ৰহণ কৰে পৰিচালনা সমিতিৰ সভাপতি ড৹ শৰৎ কুমাৰ দত্তই। মহাবিদ্যালয়খনৰ অধ্যক্ষ ড৹ শৰৎ বৰকটকীয়ে আদৰণি ভাষণ প্ৰদান কৰে। নুমলীগড় শোধনাগাৰৰ অভিযন্তা ৰূপম গোস্বামীয়ে অংশগ্ৰহণ কৰি মহাবিদ্যালয় খনে প্ৰকাশ কৰা 'ভাৰতীয় মহিলাৰ সাহিত্য শৈলী' শীৰ্ষক গ্ৰন্থখন উন্মোচন কৰে। তাৎপৰ্যপূৰ্ণ যে মহাবিদ্যালয়খনৰ প্ৰতিষ্ঠা দিৱস উপলক্ষে মহাবিদ্যালয়খনৰ ছাত্ৰ-ছাত্ৰী সকলেও সামাজিক মাধ্যমৰ জৰিয়তেও শুভেচ্ছা জ্ঞাপন কৰে।
লগতে পঢ়কঃ ৰাজহ চক্ৰ বিষয়াৰ বিৰুদ্ধে ক’ভিড যোদ্ধাক দুৰ্ব্যৱহাৰৰ অভিযোগ