নগাওঁ, 30 মে' : দেওবাৰে নিশা নিহত হ'ল বটদ্ৰৱা কাণ্ডৰ মাষ্টাৰ মাইণ্ড আশ্বিকুল ইছলাম(Master mind of Batadrava incident died in accident) ৷ আৰক্ষীৰ জিম্মাৰ পৰা পলায়নৰ চেষ্টা কৰি গাড়ীৰ খুন্দাত প্ৰাণ হেৰুৱাবলগীয়া হয় আশ্বিকুল ইছলামে ৷ দেওবাৰে নগাঁও আৰক্ষীৰ জালত পৰিছিল বটদ্ৰৱা কাণ্ডৰ মাষ্টাৰ মাইণ্ড আশ্বিকুল ইছলাম ৷
উক্ত ঘটনা সংঘটিত হোৱাৰ দিনা ৰঙা টি-চাৰ্ট পৰিধান কৰা আশ্বিকুল ইছলামেই থানা জ্বলাই দিয়াৰ বাবে (Batadrava police station incident)একাংশ ৰাইজক উচটনি দিয়া বুলি অভিযোগ উত্থাপন হৈছিল ৷ যি দৃশ্য বন্দী হৈছিল কেমেৰাত (Batadrava violenece updates)। অৱশ্যে এই ঘটনাৰ পিছৰ পৰাই পলাতক হৈ আছিল মূল অভিযুক্ত আশ্বিকুল ইছলাম । কিন্তু অৱশেষত দেওবাৰে আৰক্ষীৰ জালত পৰে অভিযুক্ত আশ্বিকুল ইছলাম ৷
দেওবাৰে আশ্বিকুল ইছলামক গ্ৰেপ্তাৰ কৰি দিনজোৰা জেৰা অব্যাহত ৰাখিছিল আৰক্ষীয়ে ৷ ইয়াৰ পিছতে নিশা আশ্বিকুলৰ বাসগৃহত অভিযান চলাইছিল আৰক্ষীয়ে ৷ এই অভিযানতেই আশ্বিকুলৰ সোনাইবেৰাস্থিত বাসগৃহত আৰক্ষীয়ে দুটাকৈ মাৰণাস্ত্ৰ জব্দ কৰিবলৈ সক্ষম হয় ।
জানিব পৰা মতে, আৰক্ষীৰ দলে আশ্বিকুলৰ বাসগৃহৰ পৰা এটা পইণ্ট টু টু আৰু এটা 7.65 এম এম পিষ্টল জব্দ কৰাৰ উপৰিও কেইবা জাই সজীৱ গুলীও জব্দ কৰিবলৈ সক্ষম হয় । পুৱতি নিশাই আশ্বিকুলৰ বাসগৃহৰ পৰা উভতি অহাৰ পথত ৰাইদঙীয়াত আৰক্ষীৰ জিম্মাৰ পৰা পলায়নৰ চেষ্টা কৰে । আৰক্ষীৰ বাহনৰ পৰা আশ্বিকুল জঁপিয়াই দিয়াৰ লগে লগে পিছফালে আহি থকা আন এখন বাহনৰ খুন্দাত নিহত হয় ।
লগতে পঢ়ক : Mob torched Batadrava police station : মাষ্টাৰ মাইণ্ড আশ্বিকুল ইছলামক আটক
