বঢ়মপুৰ,27 মাৰ্চ: ক্ৰমাৎ তুংগত হৈ উঠিছে ৰাজ্যৰ দ্বিতীয় পৰ্যায়ৰ নিৰ্বাচনী প্ৰচাৰ ৷ তীব্ৰ বাক্ বিতন্তা চলিছে ৰাজ্যৰ ৰাজনৈতিক দলসমূহৰ মাজত ৷ শনিবাৰে ৰহা সমষ্টিৰ কংগ্ৰেছ নেতৃত্বাধীন মহাজোঁটৰ প্ৰাৰ্থী শশীকান্ত দাসৰ হৈ নিৰ্বাচনী প্ৰচাৰ চলালে বি পি এফ প্ৰধান হাগ্ৰামা মহিলাৰী আৰু ৰাজ্যিক মুখপাত্ৰ তথা প্ৰদেশ কংগ্ৰেছৰ সাধাৰণ সম্পাদক অপূৰ্ব ভট্টাচাৰ্যই ৷ প্ৰচাৰ সভাত হিমন্ত বিশ্ব শৰ্মাক বাক্য বানেৰে থকা সৰকা কৰে বিটিছিৰ প্ৰাক্তন প্ৰধান গৰাকীয়ে ।
ৰহাত ৰণডংকা বজালে বিপিএফ প্ৰধান হাগ্ৰামা মহিলাৰীয়ে
হাগ্ৰামা মহিলাৰীয়ে কয়, হিমন্ত বিশ্ব শৰ্মা নিজেই বাংলাদেশী, বেলেগক বাংলাদেশী কৈ লাভ নাই । হিমন্ত বিশ্ব শৰ্মাই মোৰ পৰা ৰাজনীতি শিকিছে, মই থাকোতে সি হিৰ’ আছিলে, এতিয়া মই নাই সেইবাবে জিৰ' । ১ এপ্ৰিলত ফুল নকৰি পদুম ফুলক প্ৰত্যাহাৰ কৰি ২ মে'ত বিজেপিৰ শ্ৰাদ্ধ হ'ব বুলিও মন্তব্য কৰে বিপিএফ প্ৰধান গৰাকীয়ে ।
