মৰিগাঁও,27অক্টোবৰঃ স্বচ্ছ ভাৰত অভিযানৰ বাবে কেন্দ্ৰ তথা ৰাজ্য চৰকাৰে যিমানেই বিজ্ঞাপন নিদিয়ক কিয়, এইক্ষেত্ৰত যেন কোনো ভ্ৰুক্ষেপেই নাই একাংশ লোকৰ ৷ তেনে এক দৃশ্য দেখা পোৱা গ'ল মৰিগাঁও চহৰত ৷ জিলাখনৰ হৰিজন কলনীৰ লগতে এজাৰবাৰীকে ধৰি বিভিন্ন স্থানত পথৰ ওপৰতে ঘৰুৱা আৱৰ্জনা পেলাই এক দূৰ্ঘন্ধময় পৰিবেশৰ সৃষ্টি কৰি আহিছে একাংশ কাণ্ডজ্ঞানহীন লোকে ৷
যাৰ ফলত এতিয়া আৱৰ্জনাৰে পৰিপূৰ্ণ হৈ পৰিছে চহৰখনৰ বিভিন্ন পথ সমূহ ৷ আনকি পথচাৰীয়েও পথেৰে নাক কোঁচাই জাবৰৰ ওপৰেৰে অহা-যোৱা কৰিব লাগে ৷শেহতীয়াকৈ জাবৰৰ দ'মৰ বাবে হৰিজন কলনীৰ এটা পথো বন্ধ হৈ পৰিছে ৷ তৎস্বত্ত্বেও কোনো কাণসাৰ নাই মৰিগাঁও পৌৰ সভাৰ ৷ চকু মূদা কুলিৰ ভাও ধৰা পৌৰসভাৰ কৰ্মীক শীঘ্ৰে চহৰৰ অন্যান্য প্ৰান্তৰ লগতে কলনিৰ পথচোৱা পৰিস্কাৰ কৰাৰ লগতে জাবৰ পেলোৱাৰ বাবে ডাষ্টবিনৰ ব্যৱস্থা কৰিবলৈ আহ্বান জনাইছে চহৰখনৰ সচেতন লোকে ৷
লগতে পঢ়কঃমঙলবাৰে হ'ব ভাৰত-আমেৰিকাৰ তৃতীয়লানি 2+2 আন্তঃমন্ত্ৰী আলোচনা
