মাজুলী, 6 মে’: মাজুলীবাসীৰ বহু প্ৰত্যাশিত যোৰহাট-মাজুলী সংযোগী দলং (Jorhat Majuli Bridge) । 925.47 কোটি টকা ব্যয়ৰে নিৰ্মাণ হ’বলগীয়া 8.25 কিলোমিটাৰ দৈঘ্যৰ এই দলঙখনৰ খুঁটা নিৰ্মাণৰ কাম চলি থকাৰ মাজতে ধৰা পৰিছে বিসংগতি ৷ (Construction of Jorhat Majuli Bridge is going on) বিগত 1 মে’ ত স্থানীয় দল সংগঠনৰ প্ৰতিনিধিয়ে দলঙখনৰ কাম-কাজ চাবলৈ যোৱাৰ সময়তে দলংখনৰ 8 আৰু 11 নম্বৰৰ দুটাকৈ খুঁটাত প্ৰকাণ্ড ফাঁট মেলাৰ কথা পোহৰলৈ আহিছিল (Jorhat Majuli Bridge has cracke) ।
সাংবাদিকৰ দল, স্থানীয় দল-সংগঠনৰ প্ৰতিনিধিয়ে দলং নিৰ্মাণকাৰী সংস্থাক জবাবদিহি কৰাৰ পিছত নিৰ্মাণস্থলীত উপস্থিত হৈছিল ভাৰতীয় ৰাষ্ট্ৰীয় ঘাইপথ প্ৰাধিকৰণৰ যোৰহাটৰ সহকাৰী কাৰ্যবাহী অভিযন্তা নিখিলেশ ভট্টাচাৰ্য । বহু প্ৰত্যাশিত দলং খনৰ নিৰ্মাণত দলঙখনৰ মূল নিৰ্মাণকাৰী সংস্থা UP State Bridge Corporation এ প্ৰাৰম্ভিক অৱস্থাতে অনিয়ম সংঘটিত কৰাৰ খবৰে চিন্তাত পেলাইছে মাজুলীবাসীক ।
দলং নিৰ্মাণস্থলীত উপস্থিত হোৱা ৰাষ্ট্ৰীয় ঘাইপথ যোৰহাটৰ সহকাৰী কাৰ্যবাহী অভিযন্তা নিখিলেশ ভট্টাচাৰ্যৰ লগত এক আলোচনাত মিলিত হৈছিল অসম জাতীয়তাবাদী যুৱ ছাত্ৰ পৰিষদৰ এটা সঁজাতি দলে ৷
এই আলোচনাৰ অন্তত ৰাষ্ট্ৰীয় ঘাইপথ অভিযন্তা প্ৰশান্ত শইকীয়াৰ লগত টেলিফোনত বাৰ্তালাপ কৰি অসম জাতীয়তাবাদী যুৱ ছাত্ৰ পৰিষদৰ সভাপতি ৰাণাপ্ৰতাপ বৰুৱাই মাজুলী-যোৰহাট দলঙখনৰ কাম-কাজ নিখুঁতভাৱে কৰাৰ লগতে প্ৰতিটো খুঁটাৰ কাম কাৰিকৰী দলৰ হতুৱাই পৰীক্ষা নকৰোৱাৰ পৰ্যন্ত কাম বন্ধ ৰখাৰ দাবী জনাইছিল ।
তেওঁলোকৰ দাবীৰ প্ৰতি সন্মান জনাই বন্ধ ৰাখিছিল দলঙৰ কাম । বৃহস্পতিবাৰে কাৰিকৰী দল এটাই এই খুঁটাৰ কাম পৰীক্ষা কৰিছে (NAHI persons visited majuli to inspect the construction) যদিও এই কামক লৈ অসন্তুষ্টি প্ৰকাশ কৰিছে অসম জাতীয়তাবাদী যুৱ ছাত্ৰ পৰিষদে । ইফালে দক্ষিণ পাট গৃহাস্বমী সত্ৰৰ সত্ৰাধিকাৰ জন্নাৰ্দন দেৱ গোস্বামীয়েও কাৰিকৰী দলৰ এই কামক লৈ অসন্তুষ্টি প্ৰকাশ কৰিছে ।
তেওঁ কয় যে, কাৰিকৰী দলে যিদৰে দলঙৰ ফাঁট থকা ঠাইত প্ৰলেপ লগাই খুঁটাৰ বিসংগতি দূৰ কৰিব লৈছে এনেদৰে বিসংগতি দূৰ কৰিব নোৱাৰে । গতিকে এই দলঙৰ নিৰ্মাণত অসমৰ মুখ্যমন্ত্ৰী ড৹ হিমন্ত বিশ্ব শৰ্মাৰ পোনপটীয়াকৈ হস্তক্ষেপ বিচাৰিছে অসম জাতীয়তাবাদী যুৱ ছাত্ৰ পৰিষদৰ মাজুলী জিলা সমিতিয়ে ।
লগতে পঢ়ক : দলঙৰ খুঁটাৰ ফাঁট; ঘটনাৰ ওৰ বিচাৰি মাজুলীত ভাৰতীয় ৰাষ্ট্ৰীয় ঘাইপথ প্ৰাধিকৰণৰ বিষয়াৰ দল
