বিহপুৰীয়া, 23 আগষ্ট : নাৰায়ণপুৰৰ মাজৰ চাপৰিত দেওবাৰে নিশা অভিযান চলাই বৃহৎ পৰিমাণৰ গাঞ্জা(Ganja) জব্দ কৰিবলৈ সক্ষম হয় নাৰায়ণপুৰ আৰক্ষী(Narayanpur Police) ৷ লগে লগে মণিকুমাৰ দেউৰী আৰু চিভিল দেউৰী নামৰ দুজন গাঞ্জা সৰবৰাহকাৰীকো কৰায়ত্ত কৰে আৰক্ষীয়ে ৷ চিভিল দেউৰী নামৰ সৰবৰাহকাৰীজন বিজেপিৰ এগৰাকী স্থানীয় নেতা বুলি জানিব পৰা গৈছে ।
দুয়োজন সৰবৰাহকাৰী দীৰ্ঘদিন ধৰি অবৈধ গাঞ্জা ব্যৱসায়ৰ সৈতে জড়িত থকাৰ অভিযোগ উত্থাপন হৈছে ৷ ঘটনা সন্দৰ্ভত আৰক্ষীয়ে অব্যাহত ৰাখিছে তদন্ত ৷ আগন্তুক দিনত গাঞ্জা ব্যৱসায়ৰ সৈতে জড়িত আন কেইবাজনো লোক আটক হোৱাৰ সম্ভাৱনা আছে ৷
লগতে পঢ়ক: চিলনীজানত আৰক্ষীৰ জালত হেৰ'ইনসহ এজন
অপৰাধ আৰু অপৰাধীৰ বিৰুদ্ধে কঠোৰ অভিযান অব্যাহত ৰাখিছে অসম আৰক্ষীয়ে(Assam Police) ৷ দুৰ্নীতি তথা অপৰাধ নিৰ্মূলৰ হকে ৰাজ্য প্ৰশাসন কঠোৰ হোৱাৰ পাচতো নাকী লগাবলৈ সক্ষম হোৱাৰ নাই অপৰাধীক ৷ ড্ৰাগছ, (Drugs) গাঞ্জা, চুলাই মদ আদি বিভিন্ন নিচাজাতীয় সামগ্ৰীৰ বিৰুদ্ধে আৰক্ষীয়ে তীব্ৰ অভিযান অব্যাহত ৰাখিছে ৷
ৰাজ্যত বিজেপি নেতৃত্বাধীন চৰকাৰৰ মুখ্যমন্ত্ৰী হিচাপে ড৹ হিমন্ত বিশ্ব শৰ্মাই(Himanta Biswa Sarma) দায়িত্ব গ্ৰহণ কৰিয়েই ৰাজ্যৰ পৰা ড্ৰাগছকে ধৰি নিচাজাতীয় সামগ্ৰীৰ বেহা উৎখাত কৰিবলৈ অসম আৰক্ষীক নিৰ্দেশ প্ৰদান কৰিছিল ৷ সেয়েহে প্ৰতিদিনে ৰাজ্যৰ ভিন্ন প্ৰান্তত নিচাজাতীয় সামগ্ৰীৰ বেহা উৎখাত কৰাৰ লগতে এই ব্যৱসায়ৰ সৈতে জড়িত অপৰাধীসকলক আটক কৰি আছে আৰক্ষীয়ে ৷
লগতে পঢ়ক: নিচাযুক্ত দ্ৰব্য সৰবৰাহকাৰীৰ সংযোগস্থলীলৈ পৰিনত হৈছে গোৱালপাৰা
