বিহপুৰীয়া, 17 অক্টোবৰ : লখিমপুৰ জিলাৰ বিহপুৰীয়াত চৰকাৰী বিষয়া আৰু ঠিকাদাৰৰ মাজত তয়াময়া ৰণ ৷ অসম ৰাজ্যিক পৰিবহন নিগমৰ বিহপুৰীয়াস্থিত নৱনিৰ্মিত কাৰ্যালয়ত বুধবাৰে উত্তপ্ত পৰিস্থিতিৰ সৃষ্টি হয়। 14 লাখ টকীয়া নৱনিৰ্মিত পৰিবহন বিভাগৰ কাৰ্যালয়টোত বিয়াগোম দুৰ্নীতিৰ অভিযোগ উঠিছে ৷ স্থানীয় বিধায়ক ড৹ অমিয় কুমাৰ ভূঞাৰ ঘনিষ্ঠ ঠিকাদাৰ মৃয়াংকু দত্তই ব্যাপক দুৰ্নীতি সংঘটিত কৰাৰ অভিযোগ উত্থাপিত হৈছে ।
উল্লেখ্য যে বছৰ বছৰ ধৰি পৰিবহন বিভাগৰ এটা পৰিত্যক্ত কাৰ্যালয়তে বিভাগীয় কামকাজ সমূহ চলাই যোৱাৰ পিচত শেহতীয়াকৈ এটি কাৰ্যালয় গৃহৰ অনুমোদন লাভ কৰিছিল ৷ এই খবৰ লাভ কৰিয়েই হাঁহি বিৰিঙিছিল বিহপুৰীয়াবাসীৰ মুখত ৷ চৰকাৰীভাৱে কাৰ্যালয় গৃহৰ অনুমোদন লাভ কৰি গৃহ নিৰ্মাণ শুভাৰম্ভ কৰাৰ লৈকে ঠিকেই আছিল ৷ কিন্তু নিৰ্মাণকাৰ্য সম্পূৰ্ণ হওঁ হওঁ অৱস্থাতে লাগিল কেনা । যদিও নিৰ্মাণ কৰি হোৱাৰ পিচতেই কাৰ্যালয়টোৰ পকী বেৰত সৃষ্টি হয় বৃহৎ বৃহৎ ফাঁটৰ ৷
মঙলবাৰে বিয়লি ঠিকাদাৰগৰাকী কাৰ্যালয় গৃহত উপস্থিত হোৱাত পৰিবহণ বিভাগৰ এগৰাকী বিষয়া এগৰাকীৰ সৈতে তীব্ৰ বাক বিতণ্ডাত লিপ্ত হয় ৷ আনহাতে ৰাইজৰ অজ্ঞাতে নিশা কাৰ্যালয় গৃহৰ ফাঁট মেলা বেৰ ঢাক দিয়াৰো চেষ্টা চলাই ঠিকাদাৰ গৰাকীয়ে । পৰিবহন বিষয়াগৰাকীয়ে সোধাপোছা কৰাত কোনো উত্তৰ দিব নোৱাৰে ঠিকাদাৰগৰাকীয়ে ৷
বিষয়াগৰাকীয়ে কোৱা অনুসৰি তেওঁ নতুনকৈ অঞ্চলটোত অহাৰ বাবে বিশেষ গম নাপায় ৷ পৰৱৰ্তী সময়ত তেওঁ এই সমগ্ৰ ঘটনাৰ অনুসন্ধান কৰিব বুলি সদৰী কৰে ৷ সাংবাদিকৰ প্ৰশ্নত ঠিকাদৰাগৰাকীয়ে সকলো অভিযোগ নস্যাৎ কৰে ৷
লগতে পঢ়ক: Mortar recovered: IED ৰ পিচত এইবাৰ চিকৰাজানত মৰ্টাৰ উদ্ধাৰ
