ডিফু, ৫ ফেব্ৰুৱাৰী: শুকুৰবাৰে অসম জাতীয়তাবাদী যুৱ ছাত্ৰ পৰিষদে ৰাজ্যজুৰি 'প্ৰতিকৃতি দাহ' কাৰ্যসূচী ৰূপায়ণ কৰে । ৰাজ্যৰ ভিন্ন প্ৰান্তৰ সমান্তৰালকৈ অত্যাৱশকীয় সামগ্ৰীৰ বৰ্ধিত মূল্য ৰোধৰ দাবীত প্ৰতিবাদ সাব্যস্ত কৰে সংগঠনটোৰ বকলীয়াঘাট আঞ্চলিক সমিতিয়ে ।
কাৰ্বি আংলঙৰ বকলীয়াঘাটৰ মূল চাৰিআলিত ৩৬ নং ৰাষ্ট্ৰীয় ঘাইপথৰ ওপৰতে সংগঠনটোৱে প্ৰধানমন্ত্ৰী নৰেন্দ্ৰ মোদী, কেন্দ্ৰীয় পেট্ৰ'লিয়াম মন্ত্ৰী আৰু মুখ্যমন্ত্ৰী সৰ্বানন্দ সোণোৱালৰ প্ৰতিকৃতি দাহ কৰে ।
খাদ্য সামগ্ৰীৰ লগতে পেট্ৰ'ল-ডিজেলৰ মূল্যবৃদ্ধি নিয়ন্ত্ৰণৰ ক্ষেত্ৰত উপযুক্ত ব্যৱস্থা গ্ৰহণ কৰিবলৈ চৰকাৰক দাবী জনায় প্ৰতিবাদকাৰী সকলে । নৰেন্দ্ৰ মোদী মুৰ্দাবাদ, ধৰ্মেন্দ্ৰ প্ৰধান মুৰ্দাবাদ, সৰ্বানন্দ সোণোৱাল মুৰ্দাবাদ, পেট্ৰ'ল-ডিজেলৰ মূল্য হ্ৰাস কৰক আদি শ্ল'গানেৰে পৰিৱেশ উত্তাল কৰি তোলে সংগঠনটোৰ কৰ্মকৰ্তা সকলে ।
লগতে পঢ়ক:হিমন্ত বিশ্ব শৰ্মা হতাশাত ভূগিছে: বিধায়ক ড৹ ৰফিকুল ইছলাম
