ৰঙিয়া, 31 মাৰ্চ: কামৰূপ (গ্ৰাম্য) জিলাৰ অন্যমত গুৰুত্বপূৰ্ণ অঞ্চল হিচাপে পৰিচিত ৰঙিয়া মহকুমাত চোৰৰ তাণ্ডৱ(Theft in Rangia) ৷ বৃহত্তৰ অঞ্চলটোত কিছুদিনৰে পৰা নিত্য নৈমিত্তিকভাৱে বিভিন্ন ধৰণৰ অপৰাধমূলক কাৰ্যকলাপ সংঘটিত হোৱাৰ কথা জানিবলৈ পোৱা গৈছে ৷ শেহতীয়াকৈ ৰঙিয়া চহৰৰ মাজমজিয়াৰ পৰা চুৰি হৈছে এখন মালবাহী DI ভান(Theft TATA DI van in Rangia) ৷
চুৰিকাণ্ডৰ সমগ্ৰ দৃশ্য বন্দী হৈছে চিচিটিভি কেমেৰাত(Theft scene captured on CCTV camera) ৷ মাত্ৰ 1.10 মিনিটৰ ভিতৰতে এই চুৰিকাণ্ড সংঘটিত হোৱাৰ ঘটনাত হতচকিত হৈ পৰিছে স্থানীয় লোকসকল ৷
এটা কথা মন কৰিবলগীয়া যে, ৰঙিয়া আৰক্ষী থানা চহৰৰ ঠিক মাজমজিয়াতে অৱস্থিত ৷ তেনেক্ষেত্ৰত সদাব্যস্ত চহৰখনৰ মাজমজিয়াত সংঘটিত এই বাহনৰ চুৰিকাৰ্যই নিৰাপত্তাৰ ফোঁপোলা স্বৰূপটো উন্মোচিত কৰিছে ৷
AS 25 EC 9972 নম্বৰৰ মালবাহী ডি আই ভানখন ময়ুৰী এণ্টাৰপ্ৰাইজৰ (Mayuri Enterprise in Rangia) সন্মুখৰ পৰা অতি সন্তৰ্পণে চোৰে চুৰি কৰি নিয়ে ৷
বাহনখনৰ গৰাকীয়ে চিচিটিভিত বন্দী হোৱা ফুটেজ পৰীক্ষা কৰাৰ পিছতহে চুৰিকাণ্ড সম্পৰ্কে অৱগত হয় ৷ অঞ্চলটোত ষ্ট্ৰীট লাইটৰ ব্যৱস্থা থকাৰ বাবেই সমগ্ৰ কাণ্ড চিচিটিভিত বন্দী হৈ পৰে ৷ ইতিমধ্যে ঘটনা সন্দৰ্ভত বাহনখনৰ গৰাকীয়ে স্থানীয় ৰঙিয়া থানাত দাখিল কৰিছে এজাহাৰ ৷
উল্লেখ্য যে, বিগত সময়চোৱাত হোলীৰ বন্ধৰ সুযোগ গ্ৰহণ কৰি ৰঙিয়াস্থিত চৰকাৰী কাৰ্যালয়ত চোৰে চলাইছিল চাফাই অভিযান ৷ বৈদ্যগড় গাঁও পঞ্চায়তৰ কাৰ্যালয়ৰ প্ৰস্ৰাৱগাৰৰ দুৱাৰ ভাঙি পানী তোলা বৈদ্যুতিক মটৰটো চুৰি কৰি নিয়ে ৷
লগতে চাওক: Rajya Sabha election 2022: সাজু বিধানসভাৰ চেন্ট্ৰেল হল
