গুৱাহাটী,১১ জানুৱাৰী : সোমবাৰে সন্ধিয়া শিলচৰৰ পৰা বৰঝাৰৰ গোপীনাথ বৰদলৈ আন্তঃৰাষ্ট্ৰীয় বিমানবন্দৰত উপস্থিত হয় বিজেপিৰ ৰাষ্ট্ৰীয় সভাপতি জে পি নাড্ডা ৷ ইয়াৰ পাচতেই নাড্ডাই আমিনগাঁৱৰ লোকনিৰ্মাণ বিভাগৰ অতিথিশালাত অনুষ্ঠিত হোৱা বহুকেইখন সভাত অংশগ্ৰহণ কৰে ৷ মূলতঃ আগন্তুক বিধানসভা নিৰ্বাচনৰ ৰণকৌশল প্ৰস্তুতৰ বাবেই এইদৰে ধাৰাবাহিক বৈঠকত মিলিত হয় বিজেপি সভাপতিগৰাকীয়ে ।
ইফালে,বিজেপিৰ ৰাষ্ট্ৰীয় সভাপতি জে পি নাড্ডাই গুৱাহাটীত উপস্থিত হোৱাৰ পাচতেই বিজেপিৰ ৰাজ্যিক বিষয়ববীয়া সকলৰ সৈতে দুখনকৈ বৈঠকতো ভাগ লয় ৷ দুয়োখন গুৰুত্বপূৰ্ণ বৈঠকতে মুখ্যমন্ত্ৰী সৰ্বানন্দ সোণোৱাল,ৰাজ্যিক সভাপতি ৰঞ্জিৎ দাসৰ লগতে দলটোৰ সকলো শীৰ্ষ নেতা আৰু নিৰ্বাচনী বিষয়াসকল উপস্থিত থাকে ৷
অন্য এক খবৰৰ বাবে: সামৰণি পৰিল নিখিল বড়ো ছাত্ৰ সন্থাৰ অধিবেশন
